مشہور پاکستانی اداکار فیروز خان نے بلاول بھٹو زرداری کو کارٹون نیٹ ورک قرار دے دیا ہے۔

مشہور شوبز اداکار فیروز خان اپنے آفیشل انسٹاگرام کی اسٹوری پر بلاول بھٹو کے حال ہی میں سی این این کو دیئے گئے ایک انٹرویو کا اسکرین شاٹ شئیر کرتے ہوئے انہیں کارٹون نیٹ ورک قرار دیا ہے۔

حال ہی میں چیئرمین پاکستان پیپلزپارٹی بلاول بھٹوزرداری نے امریکی نشریاتی ادارے سی این این کو ایک انٹرویو دیا جس کا سوشل میڈیا پر آج خوب چرچا ہے۔

سی این این کی میزبان بیکی اینڈرسن کو دیئے گئے اس انٹرویو میں بلاول کا کہنا تھا کہ میں نے زندگی کو نہیں اس زندگی نے مجھے منتخب کیا ہے۔

انٹرویو کے دوران بلاول سے سوال کیا گیا کہ کيا پاکستان ميں مسائل کی وجہ موروثی سياست ہے؟

 جس پر بلاول نے مختلف وضاحتيں ديں، ان کا کہنا تھا کہ آپ اقربا پروری اور خاندانی سیاست پر جتنی چاہیں تنقید کر سکتے ہیں لیکن پاکستان کے عوام جو بھی فیصلہ کریں گے، اس سے فرق پڑتا ہے۔

"We absolutely want free and fair elections"@BBhuttoZardari, chairman of Pakistan People's Party, tells @beckycnn the Pakistani national assembly must first legislate electoral reforms after what he claims was a rigged election in 2018 before holding new elections. pic.twitter.com/W9oO8Hm7hJ

— Connect the World (@CNNConnect) April 13, 2022

اینکر کی جانب سے عمران خان کی عوام ميں مقبوليت کے سوال پر بلاول بولے کہ دنيا بھر ميں ہر فاشسٹ کو حمايتی مل جاتے ہيں، عمران خان پارليمنٹ ميں صرف تيس فيصد عوام کی نمائندگی کرتے ہيں، عمران خان نے امريکی سازش کا بڑا جھوٹ بولا، 70 فيصد عوام کے نمائندوں کو غدارقرارديا۔ عمران خان نے اپنا اقتدار بچانے کیلئے خطرناک کھيل کھيلا۔

ان کا کہنا تھا پاکستان کو حال ہی میں وہی تجربہ ہوا جو امریکی عوام کو 6 جنوری کے ٹرمپ کے واقعے میں ہوا تھا، عمران خان نے آئینی بغاوت کی کوشش کی۔

مذکورہ انٹرویو پر بلاول کو مخالف حلقوں سے تنقید کا سامنا بھی کرنا پڑا، جبکہ عمران خان اور پی ٹی آئی سے دلی وابستگی رکھنے والے اداکار فیروز خان نے بھی بلاول کے اس انٹرویو پر تنقید کی اور بلاول کو کارٹون قرار دے دیا۔

بلاول بھٹو کا انٹرویو وائرل ہونے کے بعد فیروز خان نے انسٹا اسٹوریز میں اسکرین شاٹ شیئر کرتے ہوئے لکھا ، جیسا کہ میں نے کہا تھا، یہ شخص کارٹون نیٹ ورک ہے’۔

واضح رہے کہ فیروز خان اس سے قبل بھی پی ٹی آئی حکومت کے دور میں ان کی مخالفت کرنے والوں کو کئی بار کرارا جواب دے چکے ہیں۔

اسی انٹرویو میں گٹھ جوڑ سے بننے والی اس نئی حکومت کے وزیرخارجہ سے متعلق سوال پر بلاول کا کہنا تھا کہ مجھے وزیر خارجہ بنانے کا کوئی فیصلہ نہیں ہوا، یہ معاملات پارٹی نے طے کرنے ہیں۔

انہوں نے مزید کہا کہ میرا وزیر خارجہ بننا ہماری پارٹی کے لیے مشکل ہوگا کیونکہ پیپلز پارٹی حکومتی اتحاد کی دوسری بڑی جماعت ہے، وہ پارٹی ملکی مفاد ميں جو فيصلہ کرے گی قبول ہوگا۔