حکومت نے وزیر خارجہ کا عہدہ پی پی کو دینے کی یقین دہانی کرائی تھی، نیئر بخاری

ویب ڈیسک

21st Apr, 2022. 02:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت نے وزیر خارجہ کا عہدہ پی پی کو دینے کی یقین دہانی کرائی تھی، نیئر بخاری

نیئر بخاری نے کہا ہے کہ حکومت نے وزیر خارجہ کا عہدہ پی پی کو دینے کی یقین دہانی کرائی تھی۔

سیکرٹری جنرل پیپلزپارٹی نیئر بخاری نے بول نیوز سے غیر رسمی گفتگو کرتے ہوئے کہا ہے کہ طارق فاطمی کی تعیناتی جیسے اقدامات سے حکومتی اتحاد متاثر ہو گا۔

انہوں نے کہا کہ طارق فاطمی کی تعیناتی سے قبل اتحادیوں کو اعتماد میں لینا چاہیے تھا، حکومت نے وزیر خارجہ کا عہدہ پی پی کو دینے کی یقین دہانی کرائی تھی، بلاول بھٹو، حنا ربانی کھر کے بعد طارق فاطمی کی تعیناتی سمجھ سے بالاتر ہے۔

نیئر بخاری نے کہا ہے کہ وزیر اعظم کو ایسے فیصلے لینے سے پہلے مشاورت کرنی چاہیے۔

حکومت کا یو ٹرن؛ طارق فاطمی سے چند گھنٹوں میں عہدہ واپس لے لیا گیا

وزیر اعظم نے چند گھنٹوں میں طارق فاطمی سے خارجہ امور کا قلمدان واپس لے لیا ہے۔

تفصیلات کے مطابق وزیر اعظم شہباز شریف نے طارق فاطمی کی بطور معاون خصوصی تعیناتی میں تبدیلی کردی ہے، طارق فاطمی معاون خصوصی برقرار رہیں گے جبکہ خارجہ امور کی ذمہ داری واپس لی گئی ہے۔

واضح رہے کہ گزشتہ روز ڈان لیکس پر نکالے گئے طارق فاطمی کو وزیراعظم شہباز شریف کی کابینہ میں شامل کر لیا گیا تھا ، طارق فاطمی کو وزیر اعظم شہباز شریف کے معاون خصوصی برائے خارجہ امور کا عہدہ دیا گیا تھا۔

اس سے قبل وہ سابق وزیراعظم نواز شریف کی کابینہ میں اسی عہدے پر تعینات تھے تاہم ڈان لیکس کی تحقیقات کے نتیجے میں انہیں عہدے سے فارغ کردیا گیا تھا۔

واضح رہے کہ 6 اکتوبر 2016 کو ایک اخبار میں قومی سلامتی کمیٹی کے اجلاس کے حوالے سے ایک خبر شائع ہوئی تھی جس میں دعویٰ کیا گیا تھا کہ دہشت گردی کے معاملے پر حکومت اور عسکری قیادت میں اختلافات ہیں۔

ڈان لیکس سامنے آنے کے بعد پورے ملک میں ہنگامہ برپا ہوگیا تھا اور اس حوالے سے تحقیقات کی گئیں جن کے نتیجے میں طارق فاطمی کو ان کے عہدے سے فارغ کردیا گیا تھا۔