خیبر پختونخوا کے صوبائی وزیر صحت تیمور جھگڑا نے کہا ہے کہ صحت کارڈ پروگرام بند ہونے کی افواہوں میں کوئی صداقت نہیں۔

سماجی رابطے کی ویب سائٹ ٹوئٹر پر صوبائی وزیر صحت تیمور جھگڑا نے صحت کارڈ سے متعلق افواہوں کے بارے میں وضاحتی  بیان جاری کردیا ہے۔

جاری کردہ ٹوئٹ میں بتایا کہ صحت کارڈ پروگرام بند ہونے  کی افواہوں میں قطعی کوئی صداقت نہیں ہے، خیبر پختونخوا حکومت کا یہ پروگرام وفاقی حکومت کے قطعی محتاج نہیں۔

1. There is absolutely no truth in any rumours that the Sehat Card programme is being discontinued.

Advertisement

In Pakhtunkhwa, the programme is independent of the federal govt.
In the next cabinet we will approve legislation to ensure that universal health coverage is mandated by law in KP.

— Taimur Khan Jhagra (@Jhagra) April 19, 2022

تیمور جھگڑا نے لکھا کہ  اس پروگرام کو ضروری قانونی تحفظ دینے کیلئے اگلی کابینہ میں  قانون سازی کی منظوری دیں گے، قانون سازی کے زریعے خیبر پختونخوا میں یونیورسل ہیلتھ کوریج لازمی ہوگی۔

جاری کردہ پیغام میں بتایا کہ خیبرپختونخوا میں صحت کارڈ سے اب تک تقریباً 1.1 ملین افراد مستفید ہوچکے ہیں، صرف مارچ میں خیبرپختونخوا کے 80,000 سے زیادہ شہریوں نے صحت کارڈ سے استفادہ کیا۔

انہوں نے مزید لکھا کہ پاکستانی جان لیں اس پروگرام کو وفاقی سطح پر ختم کرنا پاکستانیوں کے حقوق تلفی ہوگی۔

4. The health card will continue, because it is now a demand of the people of Pakistan, and it will Insha’Allah be one of the many achievements forming the lasting legacy of Imran Khan to Pakistan.

— Taimur Khan Jhagra (@Jhagra) April 19, 2022