غیرملکی طاقتیں پاکستان میں اپنی سوچ مسلط کرناچاہتی ہیں،شیخ رشید

غیرملکی طاقتیں پاکستان میں اپنی سوچ مسلط کرناچاہتی ہیں، شیخ رشید

ویب ڈیسک

08th Apr, 2022. 01:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غیرملکی طاقتیں پاکستان میں اپنی سوچ مسلط کرناچاہتی ہیں، شیخ رشید

وفاقی وزیر داخلہ شیخ رشید نے کہا ہے کہ غیرملکی طاقتیں پاکستان میں اپنی سوچ مسلط کرنا چاہتی ہیں، ان طاقتوں کو شکست ہوگی۔

میڈیا سے گفتگو کرتے ہوئے پی ٹی آئی رہنما شیخ رشید نے کہا ہے کہ سپریم کورٹ کے فیصلے سے قوم میں مایوسی کی لہر دوڑی ہے۔

انہوں نے کہا کہ اس کیس سے تمام طاقتیں عیاں ہوگئیں ہیں اور قوم کوسب سمجھ ہے کیسے اور کس نے سب کچھ کیا ہے۔

ان کا کہنا تھا کہ 3 ماہ پہلےکہتا تھا کہ استعفےدے دو، اسمبلی توڑدو، نئے الیکشن کراؤ کیونکہ مجھے حالات کا پہلے سے پتہ تھا اسی لیے کہا تھا لیکن میری نہیں سنی گئی۔

شیخ رشید نے بتایا کہ ہمارے پاس آخری آپشن استعفوں کا ہے لیکن ہم ہتھیار نہیں پھینکیں گے، ان چوروں اور ڈاکوؤں کےخلاف آخری سانس تک لڑیں گے۔

خیال رہے کہ گزشتہ روز اسپیکر کی رولنگ کے خلاف دیئے جانے والے سپریم کورٹ کے فیصلے پر شیک رشید نے مایوسی کا اظہار کیا تھا۔

انہوں نے اپنے پیغام میں وزیراعطم کا ساتھ آخری سانس تک دینے کا کہا تھا۔