ٹائر کی خرابی سے چلنے والا گھر راستے میں ہی چھوڑ دیا گیا

ویب ڈیسک

08th Apr, 2022. 04:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹائر کی خرابی سے چلنے والا گھر راستے میں ہی چھوڑ دیا گیا

امریکہ میں پہیوں والے موبائل گھر عام ہیں اور اب ایک صاحب نے ٹائرخراب ہونے کی صورت میں پورا گھر ہی راستے میں چھوڑ دیا ہے اور خود غائب ہوچکے ہیں۔

کینساس پولیس کےافسر ڈیرن آئشینگر نے عوام سے مدد کی اپیل کرتے ہوئے اس گھر کی تصاویر فیس بک پر جاری کی ہیں۔ ایک طویل ٹریلر پر موبائل گھر بنایا گیا تھا جو ایک بجری کے ڈھیر میں گویا پھنس کر رہ گیا ہے۔ یہ گھر لیبیٹ کاؤنٹی کے جنوب میں لاوارث پڑا ہے اور گھر کے اندر تمام ضروری اشیا بھی موجود ہیں۔

غالباً یہ زیرِ تعمیر سڑک سے گزررہا ہوگا جہاں اس کے ٹائر متاثر ہوئے ہیں اور اس نے آگے بڑھنے سے انکار کردیا ہوگا۔ اس کے کئی ٹائر پھٹے ہوئے اور ناکارہ ہیں اور مرمت کے بغیر گھر کو آگے لے جانا محال ہے۔

تاہم پولیس کی درخواست کے فوراً بعد ہی اس کا مالک منظرِ عام پرآیا جس نے بتایا کہ وہ اس گھر کا مالک ہے اور اسے کینساس سے اپنے اصلی گھر اوکلاہوما لے جارہا تھا کہ یہ حادثہ پیش آیا ۔ اس کے کئی ٹائر ایک ساتھ ہی پھٹ بڑے اور گھر کو آگے لے جانا ممکن نہ رہا۔ یہی وجہ ہے کہ وہ اسے چھوڑ کر ٹائر کے انتظام میں دربدر پھرتا رہا۔