گزشتہ روز سوشل میڈیا پر پاکستان تحریک انصاف (پی ٹی آئی) کے منحرف رکنِ قومی اسمبلی عامر لیاقت حسین اور ان کی تیسری اہلیہ دانیہ شاہ کے درمیان علیحدگی کی افواہیں اچانک جنگل کی آگ کی طرح پھیلنی شروع ہوئیں، اور اتنی وائرل ہوئیں کہ جوڑے کو وضاحت جاری کرنی پڑ گئی۔

ایک طرف دانیہ شاہ نے ان جھوٹی خبروں کی تردید کی تو دوسری جانب عامر لیاقت نے جھوٹی خبریں پھیلانے کا ذمہ دار پاکستان تحریکِ انصاف کو قرار دے دیا۔

عامر لیاقت نے ٹوئٹر پر بیان جاری کرتے ہوئے کہا کہ ‘میں ان تمام افواہوں کی سختی سے تردید کرتا ہوں جو پی ٹی آئی اور اس کے کرائے کے لوگ پھیلا رہے ہیں کہ میں نے دانیہ سے علیحدگی اختیار کرلی ہے’۔

انہوں نے مزید لکھا کہ ‘ہم ایک دوسرے سے بے پناہ محبت کرتے ہیں’۔

عامر لیاقت نے مزید لکھا کہ ‘میں نے پی ٹی آئی اور اس کے کارکنوں کو خبردار کردیا ہے، میرے گھر میں مداخلت نہ کریں ورنہ کچھ بھی باقی نہیں رہے گا’۔

I vehemently deny all the rumors that PTI and its mercenaries are spreading that I have parted ways with Dania. We love each other immensely. I warned PTI and their rented goons., Don't enter in my home, otherwise nothing will be left@ImranKhanPTI pic.twitter.com/xXBmpVa4wb

— Aamir Liaquat Husain (@AamirLiaquat) April 12, 2022

یاد رہے کہ عامر لیاقت نے رواں برس فروری کے آغاز میں دانیہ شاہ سے شادی کا اعلان کیا تھا۔

قبل ازیں ان کی دوسری اہلیہ سیدہ طوبیٰ انوار نے علیحدگی کا اعلان کیا تھا۔

خیال رہے کہ عامر لیاقت کی پہلی اہلیہ بشریٰ نے بھی طوبیٰ سے شادی کے اعلان کے بعد  ان سے علیحدگی اختیار کر لی تھی۔

حالانکہ عامر لیاقت کا دعویٰ ہے انہوں نے ابھی تک دونوں بیویوں میں سے کسی کو بھی طلاق نہیں دی ہے۔