سعودی عرب میں ایک غیر ملکی خاتون بھکاری کو گرفتار کیا گیا ہے، جس کے پاس سے ہزاروں سعودی ریال برآمد ہوئے ہیں۔
خاتون بھکاری کو سیکیورٹی چیک پوسٹ سے گذرتے ہوئے اس وقت حراست میں لیا گیا، پولیس نے خطیر رقم قبضے میں لینے کے بعد ملزمہ سے تفتیش شروع کردی ہے۔
سوشل میڈیا پر وائرل ہونے والی ایک ویڈیو میں مذکوری خاتون کو سعودی کرنسی میں موجود خطیر رقم کو دیکھا جاسکتا ہے۔
#لا_تعطيهم #معاً_نكافح_التسول @MOISaudiArabia @Snap_Media1 pic.twitter.com/i2kiGYG2Qg
Advertisement— السناب الإعلامي 🎙 (@Snap_Media1) April 2, 2022
سعودی وزارت داخلہ کی جانب سے جاری بیان میں کہا گیا ہے کہ سیکیورٹی حکام نے سرحدی حفاظتی نظام کی خلاف ورزی کرنے والی ایک جبوتی خاتون کو گرفتار کیا ہے جس نے بھیک مانگ کر بڑی رقم جمع کر رکھی تھی۔
وزارت داخلہ کی وضاحت کے مطابق خاتون کے پاس ایک لاکھ 32 ہزار ریال (65 لاکھ سے زائد پاکستانی روپے) پائے گئے ہیں، جو انہوں نے بھیک مانگ کر جمع کئے تھے۔
وزارت داخلہ کے مطابق ملزمہ کے خلاف قانونی اقدامات کیے گئے ہیں اور انہیں مجاز حکام کے حوالے کیا گیا ہے۔
وزارت داخلہ نے اپنے بیان میں کہا کہ یہ کیس اس بات کی تصدیق کرتا ہے کہ بھکاریوں کو بھیک میں بھاری رقم ملتی ہے۔ یہ رحجان عام ہے خاص طور پر رمضان کے مہینے بھکاریوں کی تعداد بڑھ جاتی ہے۔ کچھ لوگ اس مقدس مہینے میں پیسے کمانے کے لیے اس کا استحصال کرتے ہیں۔
من هو المتسول ؟#معًا_نكافح_التسول pic.twitter.com/hstB3RUeaq
— الأمن العام (@security_gov) March 30, 2022
ترجمان وزارت داخلہ نے مزید کہا کہ بھکاری لوگوں کی ہمدردی حاصل کرنے کے لیے دھوکہ دہی اور دیگر مختلف طریقوں سے ائدہ اٹھاتے ہیں۔ جیسا کہ بوڑھوں اور معذوروں کے لیے گاڑیوں کا استعمال کرنا اور بچوں کو عوامی مقامات اور دکانوں پر بھیک مانگنے کے لیے بھیجنا۔
خیال رہے کہ پبلک سیکیورٹی نے اعلان کیا ہے کہ مجاز سیکیورٹی حکام ہر بھیک مانگنے والے شخص کو گرفتار کریں گے اور ملزم کے خلاف سخت قانونی کارروائی عمل میں لائی جائے گی۔
بریگیڈیئر جنرل سمیع الشویریخ نے کہا کہ ملزم کے خلاف قانونی کارروائی یقینی بنائی جائے گی۔ بھیک مانگنے، اس کی ترغیب دینے اور اس سے متفق ہونے پر ایک سال قید اور ایک لاکھ ریال جرمانہ کی سزا دی جاسکتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
