پاکستانی پیسر شاہین شاہ آفریدی سال 2020 سے بین الاقوامی کرکٹ میں سب سے زیادہ اوورز کرانے والے بالر بن گئے ہیں۔

بین الاقوامی میڈیا کی رپورٹس کے مطابق یہ سنگ میل عبور کرنے والے شاہین شاہ آفریدی نے اس عرصے کے دوران 768.2 اوورز بالنگ کی۔

 دوسرے نمبر پر بھارت کے جسپریت بمرا ہیں جنہوں نے 724.1 اوورز بالنگ کی ، جبکہ تیسرے نمبر پر بنگلہ دیش کے مہدی حسن ہیں جنہوں نے 688.1 اوورز بالنگ کی ہے۔

https://twitter.com/CricWick/status/1519436212532137984

یہ ریکارڈ دیکھنے میں تو بہت شاندار ہو سکتا ہے لیکن آج کی مسابقتی کرکٹ میں یہ ریکارڈ کوئی بھی بالر اپنے نام نہیں کرنا چاہتا۔

کرکٹ کے مختصر فارمیٹ ٹی ٹوئنٹی کے بعد بالرز نے خود کو تینوں طرز کی کرکٹ میں جھونک دیا تھا، جس کا نتیجہ انجریز کی صورت میں سامنے آیا۔

دنیا بھر کے کرکٹ بورڈز بھی اس بات سے آگاہ تھے کہ ٹی ٹوئنٹی کرکٹ کی بہتات سے کھلاڑیوں کو اپنی فٹنس برقرار رکھنے میں دشواریاں پیش آ رہی ہیں ، جس کے بعد کرکٹ بورڈز نے بھی تینوں طرز کی کرکٹ میں کھلاڑیوں کو تقسیم کر دیا تاکہ ایک کھلاڑی پر بوجھ کم سے کم ہو۔

حال ہی میں پاکستان کے سابق کھلاڑی سلمان بٹ نے بھی شاہین شاہ آفریدی کی حد سے زیادہ کرکٹ پر تشویش کا اظہار کیا ہے، انہوں نے کہا کہ آج کی اس تیز رفتار کرکٹ میں اچھے بالر کو اپنا اسٹیمنا اور فارم برقرار رکھنے کے لئے قربانی دینا ہوتی ہے۔

سلمان بٹ نے کہا کہ مسلسل کرکٹ شاہین شاہ آفریدی کے کئیریر کے لئے نقصان دہ ہے اور وقت سے پہلے گراؤنڈ سے باہر ہو جائیں گے۔