عمران خان کا پورا دورِ اقتدار جمہوریت کی پامالی کا دور ہے، وقار مہدی

ویب ڈیسک

22nd Apr, 2022. 09:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان کا پورا دورِ اقتدار جمہوریت کی پامالی کا دور ہے، وقار مہدی

وزیراعلیٰ سندھ کے معاونِ خصوصی وقار مہدی نے کہا ہے کہ عمران خان کا پورا دورِ اقتدار جمہوریت کی پامالی کا دور ہے۔

تفصیلات کے مطابق عمران خان کے خطاب پر درعمل دیتے ہوئے وزیراعلیٰ سندھ کے معاونِ خصوصی وقار مہدی نے کہا کہ عمران خان انسانی تاریخ کا سب سے بڑا جھوٹا ہے۔

وقار مہدی نے کہا کہ عمران نیازی جب بھی مائیک کے سامنے بولتا ہے تو اخلاقیات، تہذیب اور انسانیت شرمسار ہوتی ہیں، ان کی پوری تقریر کا خلاصہ یہ ہے کہ “مجھے کیوں نہیں بچایا”۔

انہوں نے کہا کہ تبدیلی کے نام پر ملک میں مہنگائی، غربت اور نفرت کے پہاڑ کھڑے کر دیئے، عمران نیازی کا پورا دورِ اقتدار آئین سے انحرافی اور جمہوریت کی پامالی کا دور ہے۔

وقار مہدی نے کہا کہ عمران نیازی نے اداروں کو متنازع بنانے میں کوئی کسر نہیں چھوڑی، حکومت کو عوام کا خون نچوڑنے والی مشین بنا ڈالی تھی۔

انہوں نے مزید کہا کہ پوری قوم کا آج ایک ہی مطالبہ ہے کہ عمران نیازی کو اپنی عوام دشمنی کا حساب دینا پڑے گا۔