بھارت کے شہر کیرالہ میں نامعلوم افراد کے ایک گروپ نے آر ایس ایس کے سری نواسن نامی ورکر کو اس کی دکان میں گھس کر قتل کر دیا۔

بھارتی میڈیا کے مطابق مبینہ طور پر ملزمان موٹر سائیکلوں پر موقع پر پہنچے اور سری نواسن پر حملہ کر دیا۔

 مقامی پولیس نے بتایا کہ متاثرہ شخص کو فوری طور پر ایک نجی اسپتال منتقل کیا گیا لیکن اسے بچایا نہیں جا سکا۔

پولیس کا کہنا تھا کہ آج کی دوپہر کیرالہ کے پلکاڈ میں ایک آر ایس ایس کارکن سری نواسن کو ایک گینگ نے مار ڈالا۔

45 سالہ سری نواسن پر پلکاڈ شہر کے قلب میں واقع ان کی دکان پر مردوں کے ایک گروپ نے حملہ کیا۔

مبینہ طور پر ملزمان موٹر سائیکلوں پر موقع پر پہنچے۔ انہوں نے بتایا کہ متاثرہ شخص کو فوری طور پر ایک نجی اسپتال منتقل کیا گیا لیکن اسے بچایا نہیں جا سکا۔

یہ واقعہ یہاں کے قریب ایک گاؤں میں پاپولر فرنٹ آف انڈیا  کے رہنما کے قتل کے 24 گھنٹے سے بھی کم وقت کے بعد پیش آیا ہے۔

43 سالہ سبیر کو مبینہ طور پر ضلع کے ایلاپولی میں اس وقت قتل کیا گیا جب وہ جمعہ کی دوپہر کو ایک مسجد میں نماز ادا کرنے کے بعد گھر لوٹ رہے تھے۔

علاقے میں 24 گھنٹوں کے اندر دو افراد کے قتل کے بعد حالات کشیدہ نظر آ رہے ہیں۔