بھارت میں جاری انڈین پریمئیر لیگ کے میچ میں گجرات ٹائٹینز کے راشد خان نے آخری بال پر چھکا لگا کر اپنی ٹیم کو فتح دلا دی۔

آئی پی ایل 2022 کے 40 ویں مقابلے میں ٹیم نے سن رائزرس حیدرآباد کو 5 وکٹ سے شکست دی۔ یہ گجرات کی 8 میچوں میں ساتویں جیت ہے۔

 گجرات ٹائٹینز 14 پوائنٹ کے ساتھ ٹیبل میں ٹاپ پر پہنچ گئی ہے۔ وہیں سن رائزرس حیدرآباد کی ٹیم مسلسل پانچ جیت کے بعد کوئی مقابلہ ہاری ہے۔
راشد خان نے آخری اوور میں تین چھکے لگائے، جس سے ان کی ٹیم کو شاندار جیت حاصل ہوئی۔ انہوں نے آخری گیند پر چھکا لگا کر جیت دلائی۔

میچ میں حیدرآباد نے پہلے کھیلتے ہوئے 6 وکٹ پر 195 رن بنائے۔ ابھیشیک شرما اور ایڈن مارکرم نے نصف سنچری لگائی۔ جواب میں گجرات ٹائٹنس نے ہدف کو 20 اوور میں 5 وکٹ پر حاصل کرلیا۔ راہل تیوتیا اور راشد خان نے بہترین بلے بازی کی۔

گجرات ٹائٹنس کو 24 گیندوں ر 56 رن بنانے تھے اور 5 وکٹ باقی تھے۔ راہل تیوتیا اورراشد خان نے حالانکہ آخر تک جدوجہد کیا۔ 19ویں اوور میں ٹی نٹراجن نے 13 رن دیئے۔

اب ٹیم کو 6 گیندوں پر  22 رن بنانے تھے۔ مارکو ینسن کی پہلی گیند پر راہل تیوتیا نے شاندار چھکا لگایا۔ اب 5 گیندوں پر 16 رنوں کی ضرورت تھی۔ دوسری گیند پر تیوتیا نے ایک رن لیا۔

تیسری گیند پر راشد خان نے چھکا لگایا۔ اب تین گیندوں پر 9 رن بنانے تھے۔ چوتھی گیند پر رن نہیں بنا۔ پانچویں گیند پر پھر چھکا لگایا۔ اب ایک گیند پر 3 رن بنانے تھے، راشد خان نے آخری بال پر چھکا لگا کر اپنی ٹیم کو ساتویں فتح سے ہمکنار کیا۔