خیبرپختونخوا فوڈ سیفٹی اتھارٹی کا کریک ڈاؤن، 14 بیکری یونٹس سیل

ویب ڈیسک

27th Apr, 2022. 02:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبرپختونخوا فوڈ سیفٹی اتھارٹی کا کریک ڈاؤن، 14 بیکری یونٹس سیل

خیبرپختونخوا فوڈ سیفٹی اتھارٹی نے صوبے بھر میں غیر معیاری بیکری پراڈکٹس کے خلاف کارروائیاں تیز کردی ہیں۔

تفصیلات کے مطابق فوڈ سیفٹی اتھارٹی نے ہری پور میں ناقص صفائی، خراب تیل کے استعمال پر چار بیکری یونٹس کو سیل کردیا ہے۔

فوڈ سیفٹی اتھارٹی کے مطابق مردان میں مختلف بیکریوں میں جدید فوڈ ٹیسٹنگ لیبارٹری کی مدد سے ٹیسٹس اور خراب تیل کے استعمال پر تین یونٹس سیل کردیئے گئے ہیں۔

فوڈ سیفٹی اتھارٹی نے دیر لوئر منڈہ میں مختلف بیکری یونٹس سے غیر معیاری مٹھائیاں برآمد کر کے تین یونٹس کو سیل کردیا۔

دوسری جانب فوڈ سیفٹی اتھارٹی نے لکی مروت میں مختلف بیکریوں کا جائزہ لیا، سینکڑوں کلو غیر معیاری مٹھائیاں، خراب گھی تلف کر کے دو بیکریاں سیل کردیں جبکہ نان فوڈ گریڈ کلر، خراب تیل، رنگ کاٹ اور ناقص صفائی پر ضلع خیبر اور دیر بالا میں بھی دو بیکری یونٹ سیل کردی ہیں۔

فوڈ سیفٹی اتھارٹی کا کہنا ہے کہ ضلع ٹانک، چارسدہ، مانسہرہ، اور بنوں میں حفظان صحت کے اصولوں کی خلاف ورزیوں پر متعدد بیکریوں پر جرمانے عائد کردیئے گئے ہیں۔