مشہور اداکار و کامیڈین معین اختر اور انور مقصود کی پُرانی ویڈیو کلپ سوشل میڈیا پر وائرل۔

پاکستان شوبز انڈسٹری کے لیجنڈری اداکار و کامیڈین معین اختر اور انور مقصود کی ایک پرانی ویڈیو سوشل میڈیا پر گردش کر رہی ہے جس میں دیکھا جا سکتا ہے کہ دونوں کے درمیان سیاستدانوں کی ڈگریوں ک لے کر دلچسپ تکرار جاری ہے۔

یہ کلپ معین اختر اور انور مقصود کے مشہورِ زمانہ پروگرام ‘لوز ٹاک’ کا ہے جس میں  دونوں فنکار سیاستدانوں کی تعلیم، ڈگریوں پر طنز اور میٹرک، بی اے پر تکرار کرتے ہوئے نظر آرہے ہیں۔

اس ویڈیو میں دیکھا جا سکتا ہے کہ کامیڈین، معین اختر نے خواجہ سرا کا روپ دھارا ہوا ہے جو میٹرک سے قبل ہی بی اے کی تعلیم حاصل کرنے کا خواہش مند ہے۔

کلپ میں دیکھا جا سکتا ہے کہ انور مقصود انٹرویو کرتے ہوئے خواجہ سرا کے کردار یعنی معین اختر سے سوال کرتے ہیں کہ آپ میٹرک سے قبل بی اے کیسے کر سکتے ہیں، یہ جاہلوں والی باتیں نہ کریں، ایسا کرنا نا ممکن ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Entertainment Pakistan (@epkdaily)

جواب میں معین اختر کہتے ہیں کہ ’یہ ایک عام بات، وہ ایسے بہت سارے سیاستدانوں کو جانتی ہیں جو کہ انتخابات سے قبل میٹرک پاس اور الیکشنز کے قریب آتے ہی بی اے پاس ہو جاتے ہیں‘۔

بات جاری رکھتے ہوئے خواجہ سرا بنے معین اختر کہتے ہیں کہ ‘بالکل ویسے ہی جیسے ہمارے سیاستدان میٹرک سے قبل بی اے کی ڈگری حاصل کر لیتے ہیں بالکل ویسے ہی میں بھی بی اے کر لوں گا۔‘

یاد رہے کہ یہ مزاحیہ ویڈیو سوشل میڈیا پر خوب وائرل ہو رہی ہے اور اسے پاکستان کے نو منتخب سیاسی عہدِداران سے جوڑا جا رہا ہے۔