بھارت میں صحافیوں کی اکثریت شدت پسند حکمراں جماعت بھارتیہ جنتا پارٹی (بی جے پی) کی زبان بولتی ہے۔ انہیں پاکستان مخالف پروپیگنڈا کرنے کے لیے خصوصی ہدایات اور فنڈز جاری کئے جاتے ہیں۔

لیکن انہی میں سے کچھ صحافی ایسے بھی ہیں جنہیں غدّارِ وطن کا لقب دیا جاچکا ہے۔ یہ وہ صحافی ہیں جو پیسہ اور ہدایات لینے سے انکاری ہیں اور صحافت جیسے مقدس پیشے اور اپنے ضمیر کا سودا نہیں کرتے۔

یہ صحافی حق کو حق اور باطل کو باطل کہتے ہیں، پھر چاہے وہ بھارت کے وزیراعظم ہوں یا پاکستان کے۔ اگر اچھا کام کرتے ہیں تو تعریف کی جاتی ہے اور اگر کچھ برا ہو تو تنقید بھی ہوتی ہے۔

ایسا ہی کچھ کیا ہے معروف بھارتی صحافی پراوین سواہنی نے جو وزیراعظم عمران خان کی صلاحیتوں کے معترف ہوگئے ہیں۔

انہوں نے وزیراعظم عمران خان کو ایماندار، بے خوف، نڈر، غیر متزلزل اور راست گو قرار دیا ہے۔

بھارتی صحافی نے وزیراعظم عمران خان کے گزشتہ روز سیکیورٹی ڈائیلاگ کی تقریب سے خطاب پر اپنے خیالات کا اظہار کیا۔

پراوین سواہنی نے اپنے ٹوئٹ میں لکھا کہ وزیراعظم عمران خان کو اسلام آباد ڈائیلاگ میں سُنا۔ وہ ایماندار، بے خوف، نڈر، غیر متزلزل اور  صاف گو انسان ہیں۔

سواہنی نے مزید لکھا کہ انہوں نے 3 نکات پیش کیے ہیں، جن کے مطابق حکومت میں عوام کا حصہ ہونا چاہیے۔ قانون کی حکمرانی سب پر لاگو ہونی چاہیے اور پاکستان کی خارجہ پالیسی کو قوم کی خدمت کرنی چاہیے، باہر والوں کی نہیں۔ واہ! کیا آدمی ہے۔

Heard PM Imran Khan at @IsbDialogue.
He is honest, fearless, unfazed & does straight talk.
He made 3 points:
1. People should have stake in government
2. Rule of law should be applicable to all
3. Pak’s foreign policy should serve the nation, not outsiders.
Wow- what a man!

— Pravin Sawhney (@PravinSawhney) April 1, 2022

خیال رہے کہ وزیراعظم نے گزشتہ روز اپنے خطاب میں کہا تھا کہ ملک میں سیکیورٹی تب آتی ہے جب ہر شہری ذمہ داری لیتا ہے، سیکیورٹی فوج نہیں عوام دیتی ہے، امریکا کے وزیر خارجہ کا بیان ہے کہ بھارت کو کچھ نہیں کہہ سکتے کیونکہ وہ ایک آزاد ملک ہے، توپھر ہم کیا ہیں؟ طاقتور ملک ہم پر غصہ ہو گیا جس نے کہا کہ آپ روس کیوں چلے گئے؟

 وزیراعظم نے کہا کہ ہمارے ملک میں عدم تحفظ کا سب سے بڑا مسئلہ غیر مساوی ترقی کے سبب ہے، ہمارے امیر غریب کے درمیان فاصلے بڑھتے رہے اور ایلیٹ کلاس نے ملک کے وسائل پر قبضہ کرلیا۔