بالی وُڈ کی مشہور جوڑی ارباز خان اور ملائیکہ اروڑہ کی طلاق کے بعد ان کا بیٹا ماں اور باپ دونوں کے ساتھ وقت گزارتا ہے۔

بھارتی میڈیا رپورٹ کے مطابق بالی ووڈ اداکارہ ملائکہ اروڑا اور اداکار ارباز خان کا رشتہ تقریباً 17 سال تک چلا لیکن 17 سال ساتھ رہنے کے بعد جب انہوں نے علیحدگی کا فیصلہ کیا تو یہ اتنا آسان نہیں تھا۔

کیونکہ انکے بیٹے ارحان کی عمر صرف 12 سال تھی اور اس عمر میں بچے کو ماں اور باپ دونوں کی ضرورت ہوتی ہے۔

البتہ ارباز اور ملائکہ دونوں نے اس وقت ایک دوسرے سے دور رہنا درست سمجھتے تھے اس لیے ملائکہ اروڑہ نے ارحان کو اپنی تحویل میں لے لیا۔

بھارتی ذرائع ابلاغ کے مطابق حال ہی میں بھارتی مشہور ویب سائٹ پنک ولا کو دیئے گئے انٹرویو میں ارباز خان نے اپنی طلاق اور بیٹے ارحان کے بارے میں کھل کر بات کی ہے۔

 اس انٹرویو میں ارباز نے بتایا کہ انہوں نے ملائکہ اروڑہ سے طلاق کے بعد بیٹے ارحان کی تحویل کیوں نہیں مانگی۔

 ارباز خان نے بتایا کہ جب ان کی طلاق ہوئی تو ارحان کی عمرصرف 12 سال تھی، لیکن وہ سمجھ گیا تھا کہ گھر میں کیا ہو رہا ہے۔

ساتھ ہی ان کا یہ بھی ماننا تھا کہ جب بچہ بڑا ہوتا ہے تو اسے ماں کی سب سے زیادہ ضرورت ہوتی ہے، یہی وجہ تھی کہ انہوں نے بچے کی کسٹڈی کے لیے کبھی لڑائی نہیں کی۔

تاہم باہمی رضامندی سے یہ طے پایا کہ ارحان ملائیکہ اروڑہ کے ساتھ رہیں گے۔

اس وقت ملائیکہ اور ارباز کے بیٹے ارحان خان کی عمر 19 سال ہے اور وہ ہر چیز کو اچھی طرح سمجھتے ہیں، وہ بیرون ملک تعلیم حاصل کرنے گئے ہوئے ہیں۔

واضح رہے کہ ارحان ماں ملائکہ سے جتنا قریب ہے، والد ارباز خان کے ساتھ ان کی اتنی ہی بہتر بانڈنگ ہے۔

ارحان ماں باپ دونوں کے ساتھ وقت گزارتے ہیں اور دوپہر کے کھانے اور رات کے کھانے پر بھی اکثر اکٹھے دیکھے جاتے ہیں۔

 اچھی بات یہ ہے کہ ملائکہ اور ارباز بھی بیٹے ارحان کی خاطر اکٹھے ہونے سے نہیں ہچکچاتے۔