پریمیئر لیگ میں مانچسٹر یونائیٹڈ کے اسٹرائیکر کرسٹیانو رونالڈو نے آرسنل کے خلاف گول کرنے کے بعد اپنے مرحوم بیٹے کو خراج تحسین پیش کیا۔

مانچسٹر یونائیٹڈ کے اسٹرائیکر کرسٹیانو رونالڈو نے آرسنل کے خلاف اسکور شیٹ حاصل کی اور گول اپنے مرحوم بیٹے کے نام کیا، جو اس ہفتے کے شروع میں انتقال کر گئے تھے۔

یاد رہے کہ گزشتہ ہفتہ رونالڈو کے لیے ایک ہنگامہ خیز رہا جب اس نے اور ساتھی جورجینا روڈریگز نے ایک سرکاری بیان میں اپنے بیٹے کے انتقال کا اعلان کیا۔ بیان میں جوڑے نے اپنی بیٹی کی پیدائش کی تصدیق بھی کی تھی۔

کرسٹیانو رونالڈو اپنا 100 واں پریمیئر لیگ گول اپنے بچے کو وقف کرتے ہوئے جو مر گیا تھا۔

آرسنل کے خلاف کھیل میں مانچسٹر یونائیٹڈ 0-2 سے پیچھے تھی لیکن کھیل کے 34ویں منٹ میں رونالڈو نے گول کر کے اسکور لائن 1-2 پر پہنچا دیا۔

 گول کرنے کے بعد پرتگالی اسٹرائیکر نے آسمان کی طرف دیکھا اور اپنے مرحوم بیٹے کو خراج تحسین پیش کرنے کا اشارہ کیا۔

کھیل کے 34 ویں منٹ میں رونالڈو نے نیمانجا میٹک کے کراس کو گول میں بدل کر آرسنل کے گول کیپر ایرون رامسڈیل کو شکست دی تھی۔

اس گول کے ساتھ، رونالڈو لا لیگا اور پریمیئر لیگ میں 100 گول کرنے والے پہلے کھلاڑی بن گئے۔ تاہم، یونائیٹڈ گیم 1-3 سے ہار گیا جب گنرز کی جانب سے نونو ٹاوریس، بوکایو ساکا اور گرانیت زاکا نے گول کیے تھے۔

رونالڈو اپنے بیٹے کی موت کے بعد لیورپول کے خلاف پریمیئر لیگ کے مقابلے سے باہر ہو گئے تھے۔

اس سے قبل، لیور پول اور آرسنل کے شائقین نے کھیل کے ساتویں منٹ میں رونالڈو کے لیے احترام کا اظہار کرنے کے لیے ایک منٹ کی تالیاں بجائیں۔

ریڈز کے شائقین نے یونائیٹڈ اور لیورپول کے درمیان میچ کے دوران رونالڈو کو خراج تحسین پیش کرنے کے لیے ‘آپ کبھی تنہا نہیں چلیں گے’ گایا تھا۔