پیاز اورادرک کا استعمال صدیوں سے کیا جارہا ہے، یہ ایسی سبزیاں ہیں جونہ صرف سارا سال دستیاب ہوتی ہیں بلکہ ان کے بغیر کھانوں کا تصور بھی محال ہے جہاں تک پیاز کی بات ہے تو یہ کثرت سے کھانوں میں استعمال کی جاتی ہے یہ کھانوں کا ذائقہ ہی نہیں بڑھاتی بلکہ اسی کے بدولت کئی پکوان بھی تیار کئے جاتے ہیں۔

اسی طرح ادرک سپر فوڈ میں شامل ایک ایسی سبزی جو غذا کے ساتھ بطوردوا بھی استعمال کی جاتی ہے ان دنوں سبزیوں کے رس میں بھی حیرت انگیز خواص پائے جاتے ہیں۔ جو صحت کے ساتھ حسن کو بڑھانے میں اہم کردار ادا کرتے ہیں۔

بینائی میں اضافہ کرے

پیازاور ادرک دونوں میں کئی طرح کے اینٹی آکسیڈینٹ کے ساتھ صحت بخش اجزاء پائے جاتے ہیں یہی وجہ ہے کہ ان کے رس کو جب ملایا جاتا ہے تو اس کی افادیت میں کئی گنا اضافہ ہوجاتا ہے، یہ جسم میں موجود فاسد مادوں کے اخراج میں مدد فراہم کرتے ہیں اور ساتھ ہی میٹابولزم کی رفتار میں اضافہ کرتے ہیں اس طرح مجموعی صحت بہتر ہوتی ہے۔

اس رس میں وٹامن اےاور ایک خاص قسم کا پروٹین گلوٹاتھیوں موجود ہوتا ہے جو آنکھوں کے مختلف حصوں کو طاقت ور بناکر بینائی میں اضافہ کا سبب بنتا ہے۔

خون کی کمی (انیمیا)

جسم کسی بھی وجہ سے انیمیا یعنی خون کی کمی شکار ہوسکتا ہے اس کے لئے کسی ماہر معالج سے رابطہ کرنا بے حد ضروری ہے تاہم بعض حکیم ادویات کے مقابلے میں پیاز اورادرک کے رس کو ملا کرپینا کا مشورہ دیتے ہیں۔ اس کے استعمال سے کچھ ہی عرصے میں خون کی کمی دور ہونے لگتی ہے اور بے رونق چہرہ کھل اٹھتا ہے۔ ان دونوں سبزیوں کے رس کو ملا کر پینا جسم میں خون کے سرخ خلیات کی افزائش میں اضافہ کرتا ہے اور ساتھ ہی خون بھی صاف ہوجاتا ہے۔

بالوں کی افزائش کے لئے

بال اگر گھنے اور خوبصورت ہوں تو یہ شخصیت میں چار چاند لگا دیتے ہیں، پیاز کا رس سلفر سے بھرپور ہوتا ہے جبکہ ادرک کا رس بالوں کی افزائش میں اہم کردار ادا کرتا ہے اور یہ دونوں ہی بالوں کی افزائش کےلئے بہترین تصور کئے جاتے ہیں۔ ان دونوں کا ملا کرسر میں مالش کرنے سے بال تیزی بڑھے لگتے ہیں اور ساتھ ہی خشکی، سکری اور بالوں کے گرنے جیسے مسائل کا خاتمہ ہوجاتا ہے۔

اس آمیزے کو بنانے کا طریقہ

اس آمیزے کو بنانے کا طریقہ نہایت آسان ہے، ایک درمیانے سائز کی پیاز اور اسی سائز کا ادرک کا ٹکڑا لے کر چھیل لیں، دونوں کو بلینڈرمیں ڈال کر اچھی بلینڈ کر لیں، اب اسے کسی چھلنی یا ململ کے کپڑے سے ہلکے ہاتھ سے چھان لیں خیال رکھیں کہ صرف اس کا رس لینا ہے زیادہ دبانا نہیں ہے۔ چاہیں تو لیموں کے چند قطرے شامل کر سکتے ہیں۔ حکماء اس رس کو سونے سے قبل ایک چمچ پینے کا مشورہ دیتے ہیں۔