حسین نظر آنا ہرایک کا فطری حق ہے اور حسن کی حفاظت اور اسے برقرار رکھنا ایک محنت طلب کام ہے جس کے لئے کافی وقت درکار ہوتا ہے۔ تاہم اس ضمن میں کچھ آسان طریقے مؤثر ثابت ہوتے ہیں جنہیں آزما کر آپ مطلوبہ نتائج نہایت کم وقت میں حاصل کرکے اپنے حسن کو مزید بڑھا سکتے ہیں۔

ناریل

جلد کی حفاظت یو یا صحت کا حصول صحت مند چکنائیاں بے حد ضروری ہے ان کی موجودگی میں جسم کے تمام عضاء بہتر انداز میں اپنے افعال انجام دیتے ہیں۔ تمام گریاں اور روغن زیتون اس کے حصول کا بہترین ذریعہ ہے ساتھ ہی ناریل اور اس کے تیل کوغذا میں شامل رکھنے سے یہ کمی آسانی سے پوری کی جاسکتی ہے۔

  ڈیٹوکس

آپ جتنا بہتر محسوس کرتے ہیں اس کا براہ راست اثر کی جلد پر پڑتا ہے اپنی غذائی چارٹ کا خیال رکھیں اس میں صحت بخش غذاؤں کو بڑھائیں، پانی کا زیادہ استعمال کریں جبکہ نمک اور چینی کو اس چارٹ سے کسی حد تک خارج کردیں۔ کیفین سے بھر پور مشروبات سے گریز کریں اور مضر صحت چکنائیوں کو صحت مند چکنائیوں سے بدل دیں۔

وٹامن سی اور ای

مضبوط مدافعتی نظام کے بغیر خوبصورت اور صحت مند جلد کا خواب پورا نہیں ہوسکتا، اگر آپ اچھا نظرآنا چاہتے ہیں تو آپ کو وٹامنز کی ضرورت ہے۔ اس ضمن میں وٹامن سی ایک نہایت اہم وٹامن تصور کیا جاتا ہے۔ اس وٹامن کو وٹامن ای کے ساتھ ملائیں اور پھر کمال دیکھیں ایسی غذاؤں کا انتخاب کریں جن میں یہ اہم وٹامنز پائےجاتے ہیں ساتھ ہی جلد کی حفاظت کے لئے استعمال ہونے والی مصنوعات کووٹامن ای اور سی کے ساتھ لگائیں۔

برف

جلد کو جھریوں سے پاک کرنے اور سدا جواں رکھنے کے لئے برف کا استعمال کریں۔ اس مقصد کے لئے چہرے اور گردن پر آئس کیوب کو کسی کپڑے میں لیپٹ کر دائروں کی صورت میں مساج کریں اور کوشش کریں کسی بھی جگہ پر ایک منٹ سے زیادہ مساج نہ کریں۔

یہ جلد میں خون کی گردش کو بڑھانے ایک مؤثر ذریعہ ہے جو تازگی کا احساس اجاگر کرتا ہے اگر آپ کی جلد حساس ہے توآپ آئس کیوب کو پودینے یا کیمومائل کے ساتھ ملا کر بھی استعمال کرسکتے ہیں۔

 وٹامن بی اور ڈی

جلد کے لئے دو اہم وٹامنز بی اور ڈی جن کے بغیر جلد اپنی رونق کھو دیتی ہے، اگر آپ کی جلد حساس ہے توآپ کو وٹامن بی کی ضرورت ہے اور یہ گوشت اور مرغی میں بکثرت پایا جاتا ہے۔

جبکہ وٹامن ڈی جھریوں اور داغ دھبوں سے نجات میں اہم کردار ادا کرتا ہے، اس اہم وٹامن کے حصولکا سب آسان اور مؤثر ذریعہ سورج کی روشنی ہے تاہم سورج کی مضر شعاعوں سے بچنے کے لئے سن اسکرین کا استعمال ضرور کریں۔