آرٹیکلز
-
اداروں کیخلاف سوشل میڈیا پر مہم چلانے والے7 ملزمان گرفتار
-
کرم میں سیکیورٹی فورسز کا انٹیلی جنس آپریشن، 7 بھارتی سرپرست خوارج ہلاک، کیپٹن سمیت 6 جوان شہید
-
ضرورت پڑی تو افغانستان کے اندر جا کر بھرپور جواب دیں گے، خواجہ آصف
-
تافتان بارڈر پر بلٹ پروف گلاس کی اسمگلنگ کی کوشش ناکام بنا دی گئی
Advertisement
ایف آئی اے سائبر کرائم اور انسداد دہشتگردی ونگ کی مختلف شہروں میں کارروائیاں جاری ہیں۔
تفصیلات کے مطابق اداروں کے خلاف سوشل میڈیا پر مہم چلانے کے خلاف کارروائیاں کی گئیں جس کے نتیجے میں نفرت انگیزمواد پھیلانے والے7 ملزمان کو گرفتار کر لیا گیا۔
ایف آئی اے حکام نے بتایا کہ گرفتار ملزمان میں سے 2 لاہور، 2فیصل آباد، 2 ملتان اور 1 کو گوجرانوالہ سے گرفتار کیا گیا ہے۔
ایف آئی اے حکام کا کہنا ہے کہ ملزمان نے 2200 اکاؤنٹس سے 2لاکھ سے زائد پوسٹیں کیں۔
واضح رہے کہ نیٹ ورک سے جڑے مزید افراد کی گرفتاریوں کیلئے ایف آئی اے کے چھاپے جاری ہیں۔
Advertisement
گزشتہ روز بھی ایف آئی اے نے سوشل میڈیا پر فوج کے خلاف ٹرینڈ چلانے والے شخص کو گرفتار کر لیا تھا۔
ٹوئٹر پر فوج مخالف ٹرینڈز کے معاملے پر ایف آئی اے سرگرم ہوگئی، ایف آئی اے نے سوشل میڈیا پر ٹرینڈ چلانے والے مقصود عارف نامی شخص کو لاہور سے گرفتار کر لیا تھا۔
ذرائع کا کہنا تھا کہ مذکورہ شخص آرمی چیف کے خلاف ٹرینڈ چلا رہا تھا، ایف آئی اے کی لاہور اور دیگر شہروں میں بھی اس حوالے سے کارروائیاں جاری ہیں۔
علاوہ ازیں سپریم کورٹ اور آرمی کے خلاف مہم چلانے کے معاملے پر ایف آئی اے ہیڈ کواٹر میں اہم اجلاس ہوا جس میں ڈائریکٹر سائبر کرائم نے ڈی جی ایف آئی اے کو بریفنگ دی۔
بریفنگ میں کہا گیا کہ سائبر کرائم ونگ نے 2 ملزمان کو گرفتار کر لیا، دونوں ملزمان پاک آرمی اور عدلیہ کے خلاف سوشل میڈیا ہر مہم چلا رہے تھے، ایک ملزم کو لاہور جبکہ دوسرے کو ملتان سے گرفتار کیا گیا ہے۔
Advertisement
بریفنگ میں بتایا گیا کہ دونوں ملزمان سے مزید تفتیش کر رہے ہیں، اب تک مہم میں شامل 50 ہزار پیجز شارٹ لسٹ کر لئے گئے ہیں، مزید گرفتاریوں کے لئے چھاپے بھی مارے جا رہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
