لہسن مشرقی کھانوں کا ایک اہم جزو ہے اور اکثر کھانے اس کے بغیر نامکمل سمجھے جاتے ہیں۔

طبی ماہرین کے مطابق لہسن کئی بیماریوں، خصوصاً دل کے امراض سے بچاؤ میں اہم کردار ادا کرتا ہے۔

لہسن کو عربی میں فوم فارسی میں سیسر، انگریزی میں گارلک روٹ اور پنجابی و سندھی میں تھوم کہتے ہیں۔

لہسن ہمارے جسم میں قدرتی طور پر موجود بیکٹریاز جو ہمارے لیے مفید ہیں اور ہاضمہ کو درست رکھتے ہیں ان کی تعداد میں اضافہ کرتا ہے اور جو مضر اور بیماری پیدا کرسکتے ہیں ان بیکٹریاز کو ختم کرتا ہے۔

لہسن گزشتہ پانچ ہزار سال سے مختلف امراض میں بطور دوا استعمال ہورہا ہے، یہ دو قسم کا ہوتا ہے۔ ایک چھوٹے جوے والا جو اکثر استعمال ہوتا ہے اور دوسرا پہاڑی لہسن جو پیاز کی شکل کا ہوتا ہے اور جس میں پھانکیں نہیں ہوتیں لیکن اثرات زیادہ تیز ہیں۔

ایک مصری دستاویز کے حوالے سے 1550 سال قبل مسیح لہسن سے بائیس امراض کی دوائیں تیار ہوئیں، روس کے ماہر علم طبیعیات پائن دی ایلڈر نے اسے 66 قسم کے امراض کا علاج تحریر کیا ہے۔

امریکہ کے ڈاکٹر جی لی چانک اور مارگریٹ جانسن مینسیوٹا یونیورسٹی میں ریسرچ کیمسٹوں بھارت کے ٹیگور میڈکل کالج کے ڈاکٹر ” آرون“ کے علاوہ چین اور جاپان میں بیشتر ڈاکٹروں نے لہسن کو بیماریوں کا علاج دہندہ قرار دیا ہے۔

دنیائے طب کے بابا ہیپو قراطیس (بقراط) نے ڈھائی ہزار سال قبل مسیح لہسن کو قبض کشا کہنے کے ساتھ روز مرہ کی دوا قرار دیا تھا۔

پیغمبر اسلام محمد مصطفیٰ صلی اللہ علیہ وسلم نے جہاں بہت سے امراض کا علاج بتایا تھا وہاں بچھو کے کاٹنے پر لہسن کا پانی استعمال کرنے کی ہدایت بھی کی تھی۔

لہسن سے جن امراض میں فائدہ اٹھایا جاسکتا ہے ان کی فہرست طویل ہے لیکن جن امراض سے نجات ملنے کے ثبوت فراہم کیے گئے ہیں ان میں صدیوں سے خون صاف کرنے کے علاوہ سردی اور دائمی نزلہ و زکام سے محفوظ رکھنے کے لیے اسے استعمال کیا گیا ہے۔

اس کے علاوہ دمہ‘ کھانسی‘ امراض تنفیس‘ آنتوں کی بیماریاں‘ امراض جلد‘ ہائی بلڈ پریشر‘ فالج‘ لقوہ‘ رعشہ‘ نسیان‘ بہرا پن‘ کینسر اور ذیابیطس سے محافظت‘ درد سر‘ گلے کی گلٹھی‘ آواز بیٹھنا‘ مرگی‘ تپ دق اور کولیسٹرول کی سطح نیچی رکھنا جیسے بے شمار امراض ٹھیک کرنے کی صلاحیت لہسن میں موجود ہے۔

لہسن کی بدبو دور کرنے کے لیے اجوائن چبائی جاسکتی ہے، مختصر یہ کہ لہسن اپنی غذا میں شامل رکھیں اور اس کے کمالات دیکھ کر خدا کے عطیات کے شکر گزار ہوں لیکن لہسن کے ساتھ ہومیوپیتھک دوا نہ استعمال کریں۔

اگر کسی مرض کے لیے دوا استعمال کرنا ہو تو دو گھنٹہ کا وقفہ ضروری ہے، ویسے بھی لہسن کا ایک جوا روز ناشتہ کے بعد لے لینا کافی ہے۔

لہسن کے فوائد کو دیکھتے ہوئے اگر یہ سونے کے بھاؤ بھی ملے تو ضرور کھانا چاہئیے۔

کان میں درد ہو تو تھوڑے سے کڑوے تیل میں لہسن جلا کر نیم گرم کان میں ڈالیں تو درد کو آرام آجاتا ہے۔

اگر پھنسی ہوتو وہ بھی پھٹ جاتی ہے۔

لہسن خون کو صاف کرتا اور جراثیم کو ہلاک کرتا ہے۔

جن کا ہاضمہ خراب ہو وہ لہسن کی چٹنی بناکر کھائیں تو معدہ ٹھیک ہو جاتا ہے۔

لہسن کے استعمال سے نسیں پھیل جاتی ہیں، اس لئے بلڈ پریشر خود بخود کم ہو جاتا ہے۔

لہسن بیماریوں سے بچاتا ہے اور خون کے دباؤ کو کم رکھتا ہے۔

صبح نہار منہ ایک دو جوئے کچا لہسن کھاتے رہنے سے دل کا مرض نہیں ہوتا۔

یہ شریانوں کے نقص کو کم کرنے میں مدد دیتا ہے۔

اس میں بہت کم کیسٹرآئل پایا جاتا ہے۔

یہ نزلہ زکام کو روکنے میں بھی مدد دیتا ہے۔

ٹی بی کی ٹریٹمنٹ میں مدد دیتا ہے۔

یہ جسمانی کمزوری کو دور کرتا ہے۔

یہ ہر طرح کے کینسر سے بننے والے سیلز کو روکتا ہے۔

ہضم کرنے کے نظام کو بہتر کرتا ہے۔

اس کے علاوہ یہ انفیکشنس کو روکتا ہے۔

یہ جسم میں پیدا ہونے والے گلٹیوں کو ختم کرتا ہے۔

گلے کے انفیکشن کو دور کرتا ہے۔

دانتوں کے درد کا خاتمہ ہوتا ہے۔

دانوں کو کم کرتا ہے۔

جلد کی بیماریوں کو دور کرتا ہے۔

اَدْرَک کے ساتھ ملایا جائے تو یہ دمہ کی روک تھم میں مدد کرتا ہے۔

بڑھاپے کے اثرات کو کم کرتا ہے۔