مشہور بھارتی اداکارہ پریانکا چوپڑا نے پہلی مرتبہ اپنی بیٹی کے بارے میں میڈیا پر بات کی ہے۔

بھارتی میڈیا کے مطابق عالمی شہرت یافتہ بھارتی اداکارہ پریانکا چوپڑا نے پہلی مرتبہ اپنی بیٹی کے بارے میں میڈیا پر گفتگو کی ہے۔

پریانکا چوپڑا نےکینیڈین کامیڈین لیلی سنگھ کے ویب شو میں بطور مہمان شرکت کی جہاں میں اداکارہ نے بتایا کہ ان کے اپنے والدین کس طرح کے تھے اور اب وہ خود اپنی بیٹی کے لیے کیسی ماں بننے کی خواہشمند ہیں۔

اُنہوں نے کہا کہ’اس وقت بطور ماں، وہ اس بارے میں سوچتی رہتی ہیں کہ وہ کبھی بھی اپنی خواہشات، خوف، یا جس طریقے سے ان کی پرورش کی گئی، وہ اسے اپنے بچے پر مسلط نہیں کریں گی‘۔

اُنہوں نے مزید کہا کہ’وہ اس بات پر یقین رکھتی ہیں کہ بچے آپ کے ذریعے پیدا ہوتے ہیں آپ سے نہیں‘۔

پریانکا چوپڑا نے کہا کہ’ایسا کوئی عقیدہ نہیں ہے کہ یہ آپ کا بچہ ہے تو آپ اس کی ہر چیز کواپنی مرضی سے تخلیق کریں گے‘۔

اُنہوں نے کہا کہ’بچے اپنی زندگی کو خود ڈھونڈنے اور بنانے کے لیے آپ کے ذریعےپیدا ہوتے ہیں‘۔

اداکارہ کا کہنا تھا کہ’اس بات کو تسلیم کرنا ان کے لیے بہت مددگار ثابت ہوا‘۔س

اُنہوں نے اپنی بات مکمل کرتے ہوئے کہا کہ’ان کے والدین نے بہت سی چیزوں کے لیے اُنہیں خود فیصلہ کرنے کی آزادی دی تھی‘۔

یاد رہے کہ اداکارہ پریانکا چوپڑا اور ان کے شوہر، گلوکار و اداکار نک جونس کے ہاں سروگیسی کے ذریعے ایک بیٹی کی پیدائش ہوئی ہے جس کے بعد اداکارہ کی جانب سے خاموشی اختیار کی گئی تھی اور نہ ہی بچی کی کوئی تصویر سامنے آئی تھی تاہم اب پہلی مرتبہ پریانکا نے بیٹی کے بارے میں کُھل کر بات کی ہے۔