مشہور گولفر ٹائیگر ووڈز نے گولف کورس میں واپسی کا عندیہ دے دیا

ویب ڈیسک

06th Apr, 2022. 12:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مشہور گولفر ٹائیگر ووڈز نے گولف کورس میں واپسی کا عندیہ دے دیا

عالمی شہرت یافتہ گولفر ٹائیگر ووڈز نے گولف کی دنیا میں واپسی کا عندیہ دے دیا ہے۔

پانچ بار کے چیمپئن ٹائیگر ووڈز کار حادثے میں جان لیوا زخموں کا شکار ہونے کے صرف 14 ماہ بعد اس ہفتے کے ماسٹرز میں کھیلنے کا منصوبہ بنا رہے ہیں۔

ٹائیگر ووڈز فیصلے کی تصدیق سے قبل بدھ کو آگسٹا نیشنل گولف کلب جارجیا میں نو ہولز کا پریکٹس سیشن کھیلیں گے۔

لیکن منگل کو آگسٹا نیشنل میں ایک نیوز کانفرنس میں امریکی گولفر ووڈز نے کہا کہ ابھی تک یہی ارادہ ہے کہ میں کھیلنے جا رہا ہوں۔

بین الاقوامی میڈیا کے مطابق جب ٹائیگر ووڈز سے پوچھا گیا کہ کیا وہ سوچتے ہیں کہ وہ جیک نکلوس کے چھ فتوحات کے ریکارڈ کی برابری کر سکتے ہیں تو انہوں نے کہا کہ میں یہ ریکارڈ توڑ سکتا ہوں۔

ٹائیگر ووڈز نے مزید کہا کہ میں کسی ایونٹ میں اس وقت تک نہیں آتا جب تک کہ مجھے لگتا ہے کہ میں اسے جیت سکتا ہوں۔

ٹائیگر ووڈز گولف کی دنیا کے 15 بڑے اعزازات اپنے نام کر چکے ہیں اور نکولس کے آل ٹائم ریکارڈ سے صرف تین ٹائٹلز دور ہیں۔

ووڈز مجموعی طور پر 82 پی جی اے ٹور ٹائٹلز اپنے نام کر چکے ہیں۔

ووڈز نے کہا کہ مجھے لگتا ہے کہ میں اب بھی یہ کر سکتا ہوں۔ میرے پاس ابھی بھی ہاتھ باقی ہیں، جسم کافی اچھا چل رہا ہے۔ میں بدتر حالات میں رہا ہوں اور ٹورنامنٹ جیتا ہوں۔