ذرائع کے مطابق ناظم جوکھیو قتل کیس میں جام عبدالکریم، جام اویس اور دیگر ملزمان کے نام خارج کردیے گئے۔

تفصیلات کے مطابق ذرائع کا کہنا ہے کہ عدالت میں پیش کیے گئے چالان میں پیپلز پارٹی کے رکن قومی اسمبلی جام عبدالکریم، رکن سندھ اسمبلی جام اویس اور دیگر ملزمان کے نام کیس سے خارج کردیے گئے ہیں۔

ذرائع کے مطابق کیس میں حیدر، معراج اور نیاز کو بہ طورملزم نامزد کیا گیا ہے۔

کیس میں دیگرملزمان جن کے نام خارج کیے گئے ہیں ان میں محمد سلیم، محمد دو داخان، محمد سومار، عبد الرزاق ، جمال، محمف محمد معراج ، محمد خان، محمد اسحاق، احمد خان، عطا محمد اور محمد زاہد شامل ہیں۔

انسداد دہشت گردی منتظم عدالت میں تفتیشی افسرنے ناظم جوکھیو قتل کیس کا چالان جمع کروایا۔

چالان کے متن کے مطابق کیس میں ایک ملزم نیاز کو مفرورقراردیا گیا ہے جبکہ کیس میں دو ملزمان حیدرعلی اورمیرعلی گرفتارہیں۔

چالان کے ساتھ مقتول کی پوسٹ مارٹم رپورٹ، پنجاب فرانزک لیب کی رپورٹ، ڈی وی آر، مقتول کا جلا ہوا موبائل فون سمیت دیگر اشیاء شامل ہیں۔

کیس میں استغاثہ کے 31 گواہان  کے نام شامل ہیں۔

ناظم جوکھیو کو نومبر 2021 میں میمن گوٹھ تھانے کی حدود میں قتل کیا گیا تھا۔

جوڈیشل مجسٹریٹ ملیرنے کیس میں دہشت گردی کی دفعات شامل کرنے کا حکم دیا تھا۔