سعودی وزارت صحت کا کہنا ہے کہ گزشتہ چوبیس گھنٹے میں کورونا سے کسی ہلاکت کی تصدیق نہیں ہوئی۔ جبکہ نئے کیسز کی تعداد 116 رہی ۔

غیر ملکی خبر رساں ادارے کے مطابق سعودی وزارت صحت کی جانب سے جاری اعداد وشمارکے حوالےسےکہا ہے کہ گزشتہ ایک روز کے اندر سامنے آنے والے 116 نئے کورونا کیسز کے بعد مملکت میں اب تک اس وائرس کے مصدقہ کیسز کی تعداد 7 لاکھ 51 ہزار296 تک پہنچ گئی۔

کورونا سے شفایاب ہونے والوں کی تعداد میں بھی اضافہ ہوا ہے۔

گزشتہ 24 گھنٹے کے دوران کورونا وائرس میں مبتلا افراد میں سے 298 نے اس  مرض سے شفا پائی جس کے ساتھ ہی اب تک کورونا وائرس سے صحتیاب ہونے والوں کی تعداد 7 لاکھ 35 ہزار 699 ہو گئی ہے۔

اس ضمن میں وزارت صحت کا کہنا ہے کہ مملکت کے مختلف ریجنز میں کورونا سے بچاو کےلیے ویکسینیشن کا عمل جاری ہے۔ اب تک 587 کورونا ویکسینیشن سینٹرز میں 6 کروڑ 32 لاکھ 6 ہزار 257 ویکسینز لگائی جاچکی ہیں جبکہ اس کا عمل تاحال جاری ہے۔

کورونا کی بوسٹرڈوز کے حوالے سے وزارتِ صحت کا کہنا تھا کہ جن افراد کو ویکسین کی دوسری خوراک لگوائے ہوئے 8 ماہ یا اس سے زیادہ کا عرصہ گزرچکا ہے وہ ویکسین کی تیسری خوراک یعنی بوسٹرڈوزلگوا سکتے ہیں ۔

دریں اثناء، خلیجی سروے رپورٹ کے مطابق سعودی عرب میں پیرکے روز کورونا وائرسے صحتیابی کے تناسب میں اضافہ ریکارڈ کیا جارہا ہے جو اب 97.9 فیصد تک  پہنچ کیا گیا جبکہ دیگر خلیجی ممالک میں اسکا تناسب 98.4 فیصد ہے۔