دہی ایک صحت بخش اور مکمل غذا ہے، جس کا استعمال کثرت سے کیا جاتا ہے۔ دیکھا گیا ہے کہ موسم گرما میں اگر دہی کی زائد مقدارکو گھر میں رکھا جائے تو اس کا ذائقہ خراب یا کھٹا ہوجاتا ہے جس کی وجہ سے یہ استعمال کے قابل نہیں رہتا۔

آپ نے کبھی کھٹے دہی کو میٹھا بنانے کی کوشش کی ہے تاکہ اسے کھانے کے قابل بنایا جاسکے۔ آج یہاں پر ایسے ہی کھٹے دہی کا ذائقہ بہتر بنانے کے لئے چند آزمودہ طریقہ بتائے جارہے ہیں جس سے دہی کا ذائقہ نہ توکھٹا نہیں ہوگا اورنہ ہی یہ خراب ہوگا۔

ماہ رمضان میں دہی کا استعمال بہت زیادہ بڑھ جاتا ہے اگر دہی کھٹا ہوجائے تو اس میں دوپیالی پانی ڈال کراسے کچھ منٹ کے لئے فریج میں رکھ دیں، دہی بیٹھ جائے گا اور پانی اوپر آجائے گا اس پانی احتیاط سے نتھارلیں اور بچ جانے والے دہی میں خشک دودھ کی کچھ مقدار ملاکراسے دوبارہ فریج میں رکھ دیں۔ دہی کا کھٹا پن ختم ہوجائیگا کیونکہ خشک دودھ میں سکروز اور لیکٹوز کی وافر مقدار پائی جاتی ہے جس کی وجہ دہی کھٹاہونے سے بچا رہے گا اور اسے آسانی سے استعمال کیا جاسکے گا۔

ایک اور طریقے کے مطابق دہی کو کھٹا ہونے سے بچانے کے لئے اس میں ایک چمچ کارن فلور اور تھوڑی چینی شامل کردیں اس طرح دہی ہفتے بھر تک درست حالت میں ہے گا اور کھٹا نہیں ہوگا۔