ترجمان پی ڈی ایم حافظ حمداللہ کا کہنا ہے کہ پی ڈی ایم اور پوری قوم آئین وقانون کی بالادستی کی جنگ میں چیف الیکشن کمشنر کے ساتھ کھڑی ہے۔

سماجی رابطے کی ویب سائٹ ٹوئٹر پر اپنے جاری کردہ پیغام میں حافظ حمداللہ نے کہا کہ یہ راجہ سلطان سکندر ہے عارف علوی سابق ڈپٹی اسپیکر اور اسد قیصر کی طرح بنی گالہ کا ٹائیگر نہیں ہے۔

وہ ثابت کرنا چاہتے ہیں کہ الیکشن کمیشن ایک آزاد اور خود مختار ادارہ ہے
نہ وہ مستعفی ہونگے اور نہ عمران نیازی کی سیاسی بدمعاشی آنے والے فیصلوں پر اثر انداز ہوسکے گی
پی ڈی ایم اور پوری قوم آئین وقانون کی بالادستی کی جنگ میں چیف الیکشن کمشنر کے ساتھ کھڑی ہے اور کھڑی رہیگی
+

— Hafiz Hamdullah (@iHafizHamdullah) April 26, 2022

انہوں نے کہا کہ چیف کمشنر الیکشن کمیشن کا ایمان ہے کہ وہ عمران خان کا نہیں ریاست پاکستان کا ملازم ہے، وہ ثابت کرنا چاہتے ہیں کہ الیکشن کمیشن ایک آزاد اور خود مختار ادارہ ہے۔

حافظ حمداللہ نے کہا کہ نہ وہ مستعفیٰ ہونگے اور نہ عمران خان کی سیاسی بدمعاشی آنے والے فیصلوں پر اثر انداز ہوسکے گی۔

انکا کہنا ہے کہ پی ڈی ایم اور پوری قوم آئین وقانون کی بالادستی کی جنگ میں چیف الیکشن کمشنر کے ساتھ کھڑی ہے اور کھڑی رہے گی۔

ترجمان پی ڈی ایم نے کہا کہ عمران خان نے چیف کمشنر الیکشن کمیشن کے خلاف منظم مہم شروع کردی ہے، ان شاءاللہ یہ مہم بے سود ثابت ہوگی اور عمران اینڈ کمپنی کے لئے مزید مشکلات کا باعث بنے گی۔

حافظ حمداللہ نے مزید کہا کہ چیف کمشنر الیکشن کمیشن آپکی دھونس دھمکیوں سے مرعوب نہیں ہونگے، وہ ڈٹ کے آئین وقانون کی بالادستی اور عملداری کے ساتھ کھڑے ہیں۔