میانمار، غیر ملکی کرنسی کے نئے ضوابط لاگو، مملکت افراتفری کا شکار

ویب ڈیسک

09th Apr, 2022. 12:51 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میانمار، غیر ملکی کرنسی کے نئے ضوابط لاگو، مملکت افراتفری کا شکار

سری لنکا کے بعد جنوبی ایشیا کے ایک اور ملک میانمار میں غیر ملکی کرنسی کے نئے ضوابط لاگو ہونے پر افراتفری پھیل گئی ہے۔

میانمار کے مرکزی بینک کی جانب سے غیر ملکی کرنسی میں بینکوں میں جمع کرائی گئی رقوم کو ملکی کرنسی میں فوراً تبدیل کرانے کا نوٹس ملنے کے بعد ملک میں موجود غیر ملکی کمپنیوں میں اضطراب کی لہر دوڑ گئی ہے۔

فوجی کنٹرول میں چلنے والے مرکزی بینک کے اتوار کے روز جاری کردہ نوٹس میں کہا گیا ہے کہ تمام کمپنیوں، گروپوں اور افراد کو غیر ملکی کرنسی میں بینکوں میں جمع کرائی گئی رقوم کو بینک کھلنے کے ایک دن کے اندر اندر ’’چات‘‘ میں تبدیل کرانا ہو گا۔

اس میں کہا گیا ہے کہ ضابطے کا اطلاق نوٹیفکیشن جاری ہونے سے پہلے جمع کرائی گئی غیر ملکی کرنسی پر بھی ہو گا۔ نوٹس میں ضابطے کی تعمیل نہ کرنے والوں کے خلاف قانونی چارہ جوئی سے خبردار کیا گیا ہے۔

اس نوٹس کا بظاہر مقصد گزشتہ سال اقتدار پر فوج کے قبضے کے بعد غیر ملکی کرنسی میں آنے والی کمی کو دور کرنا ہے۔

غیر ملکی کمپنیوں اور تنظیموں نے کہا ہے کہ اس حکم نامے سے ان کی سرگرمیوں میں رکاوٹ پیدا ہو گی۔ جاپانی اور دیگر سفارت خانے اور ایوان ہائے تجارت استثنیٰ دیے جانے کا مطالبہ کر رہے ہیں۔