ہر گھر میں صوفے تو ہوتے ہی ہیں کسی کے گھر لکڑی کے صوفے تو کہیں فوم والے لیکن لکڑی کے صوفوں کو صاف کرنا آسان ہوتا ہے جن کی گدیاں الگ سے ہوتی ہیں۔

مگر فوم کے صوفے کی گدیاں جڑی ہوئی ہوتی ہیں تو ان کی صفائی کرنا مشکل ہوتا ہے کیونکہ اگر لکڑی کو پانی سے صاف کرکے دھویا تو گدی گیلی ہو جائے گی اور اس کو خُشک ہونے میں 2 سے 3 دن بھی لگ جائیں گے۔

اس لیے آج ہم آپ کو صوفے اور کرسیوں کو صاف کرنے کے لیے نہایت آسان طریقہ بتائیں گے۔

سب سے پہلے ایک چمچ بیکنگ سوڈا لیں اور اس میں ایک چمچ نمک کو ملائیں اور ایک لیموں کا رس ڈال کر اچھی طرح مکس کرلیں۔

اب ایک ٹوتھ برش کی مدد سے بیکنگ سوڈے کے مکسچر کو صوفے، گدیوں اور کرسیوں کے فوم والے حصے پر رگڑیں اور اچھی طرح 5 سے 10 منٹ تک کرتے رہیں۔

اب ایک پیالی میں پانی لیں اور اس میں تھوڑا سا شیمپو ڈال کر مکس کرلیں پھر گدی یا صوفے کا وہ حصہ جہاں کپڑا یا فوم لگا ہوا ہے اس پر کپڑے کی مدد سے صاف کریں۔

پھر ایک گیلے کپڑے سے سب کچھ صاف کرلیں اور تھوڑی دیر چھوڑ دیں پھر خُشک ہونے کے بعد دیکھیں سارے نشانات صاف ہو جائیں گے۔

لکڑی کی کرسی یا صوفے کی سائیڈوں کو بھی اسی بیکنگ سوڈے کے مکسچر سے صاف کرلیں لیکن فوری گیلے کپڑے سے صاف کرلیں تاکہ لکڑی پر گیلے پانی کے نشانات نہ پڑیں۔