مشہور پاکستانی ہدایت کار، لکھاری و اداکار صائم صادق کی مختصر فلم ’جوائے لینڈ‘ کو کانز میں پیش کرنے کے لئے منتخب کرلیا گیا۔

رپورٹ کے مطابق صائم صادق کی گزشتہ فلم ڈارلنگ کے بعد ان کی مختصر فلم جوائے لینڈ نے بھی بڑا اعزاز اپنے نام کر لیا، صائم صادق کی جانب سے ٹرانس جینڈر کردار پر بنائی گئی فلم جوائے لینڈ فرانس میں ہونے والے دنیا کے قدیم ترین فلم فیسٹیولز میں سے ایک ’کانز‘ میں پیش کی جانے والی پہلی پاکستانی فلم بن گئی۔

صائم صادق نے نجی اخبار سے بات کرتے ہوئے تصدیق کی کہ ان کی مختصر فلم ’جوائے لینڈ‘ کو کانز فلم فیسٹیول میں پیش کرنے کے لیے شارٹ لسٹ کیا گیا ہے۔

انہوں نے اپنی فلم کو شارٹ لسٹ کیے جانے پر خوشی کا اظہار کرتے ہوئے بتایا کہ 2019 میں بھی ان کی فلم ’ڈارلنگ‘ کو کانز فلم فسیٹیول میں پیش کیا گیا تھا۔

البتہ صائم نے فلم کی کہانی بتانے سے گریز کیا اور کہا کہ وہ جلد ہی فلم کے پوسٹرز اور مختصر ٹیزر جاری کریں گے۔

تاہم غیر ملکی ویب سائٹ ’انڈی وائر‘ کے مطابق اس فلم کی کہانی ایک مخنث کردار کے گرد گھومتی ہے۔

یہاں دلچسپ بات یہ ہے کہ اس سے قبل صائم صادق کی 2019 کی مختلف فلم ’ڈارلنگ‘ بھی مخنث افراد کی زندگی پر بنائی گئی تھی، جسے کانز کے علاوہ وینس اور ٹورنٹو فلم فیسٹیول میں بھی پیش کیا گیا تھا۔

Advertisement

This is amaaaazin’G!

Congratulations to the entire team. And to Pakistan 🙌🏼💋👊🏼💃🏽 https://t.co/NOvHKcIiRK

— Mahira Khan (@TheMahiraKhan) April 14, 2022

یاد رہے کہ متعدد شوبز شخصیات صائم صادق کو اس کامیابی پر مبارکباد پیش کرتے ہوئے نیک تمناؤں کا اظہار کر رہے ہیں۔

Advertisement

This is FANTASTIC. What a huge moment for Pakistani cinema. Congratulations, Saim and the entire team of Joyland! https://t.co/q79oopWz6y

— Osman Khalid Butt (@aClockworkObi) April 14, 2022

خیال رہے کہ اس سال 75 ویں کانز فلم فیسٹیول کا آغاز آئندہ ماہ مئی کے وسط میں ہونے کا امکان ہے جو ایک ہفتے تک جاری رہے گا جبکہ صائم صادق کے علاوہ اس بار کانز فلم فیسٹیول کے لیے متعدد مسلم اور عرب ممالک کی اچھوتے موضوعات پر بنائی گئیں فلموں کو بھی پیش کیا جائے گا۔

Amazing news! Saim Sadiq’s Joyland becomes the first film by a Pakistani filmmaker to be selected for the prestigious #Cannes2022 festival, in the #UnCertainRegard category.

Advertisement

Saim made Pakistan proud also when he won the Best Short Film award at the Venice Film Festival in 2019. https://t.co/Bu0ZphBixV

— Usama Khilji (@UsamaKhilji) April 14, 2022