ترکی کے ایک فارم میں بالوں کے بغیر پیدا ہونے والا میوٹنٹ بکری کا بچہ توجہ کا مرکز بن گیا ہے، بکری کے اس انوکھے بچے نے ہر دیکھنے والے کو تجسس میں مبتلا کردیا ہے۔

اس عجیب بکری کے بچے کے مالکان حسین اور آیسل توسن ترکی کے جنوبی صوبے مرسین کے گاؤں سیرس میں زراعت اور مویشی پالنے کا کام کرتے ہیں اور اپنے دور میں لاتعداد بکریاں پال چکے ہیں۔

حال ہی میں، ان کی بکریوں میں سے ایک نے جڑواں بچوں کو جنم دیا اور اگرچہ ان میں سے ایک نارمل دکھائی دے رہی تھی، لیکن وہ مردہ پیدا ہوئی تھی۔

جب کہ دوسری حیرت انگیز طور پر مکمل بغیر بالوں کے ایک دم سیاہ ، جھریوں والی جلد کے ساتھ پیدا ہوئی تھی۔

اس جوڑے نے زندہ بچ جانے والے کا خاص خیال رکھنے کا فیصلہ کیا اور یہاں تک کہ اسے اپنے پوتے پوتیوں کے کپڑے تک پہنا دئیے، پہلے چند دنوں تک اسے بوتل سے غذا دی گئی۔

میوٹنٹ بکری کے بچے کی خبر آہستہ آہستہ پھیلتی گئی اور جب وہ صرف پانچ دن کا تھا، اس نے کیمروں کے ساتھ متجسس زائرین کا استقبال کرنا شروع کیا۔

جوڑے کے رشتہ دار سلیمان دیمیر نے کہا، “میں 67 سال کا ہوں، اور یہ پہلا موقع ہے جب میں نے اس طرح کی کسی چیز کا سامنا کیا ہے۔

گود لینے والی ماں آیسل  کا کہنا ہے کہ “خدا تعالیٰ نے یہ معجزہ یہاں بھیجا ہے۔ ہم نے ایک دو سر والا جانور دیکھا ہے، لیکن ہم نے اس جیسا کچھ نہیں دیکھا۔”

انہوں نے کہا کہ “میں اسے دودھ پلانے کے لیے اس کی ماں کے پاس لے جاتی ہوں۔ میں اسے اپنے پوتے پوتیوں کے کپڑے پہناتی ہوں، میں اسے گھر لاتی ہوں اور ضرورت پڑنے پر اسے کھلاتی ہوں۔ اس کے بال نہیں ہیں، اور میں نے پہلی بار ایسا کچھ دیکھا ہے۔ میں اس کی دیکھ بھال ایسے کرتی ہوں جیسے وہ بچہ ہو۔”

آئسل نے مزید کہا کہ “بچے کو کبھی کبھی بخار ہوتا ہے، پھر میں اسے اپنے پوتے کا شربت اور ایک انجکشن دیتی ہوں۔ جب جڑواں بچوں میں سے ایک مردہ پیدا ہوا اور یہ غیر معمولی نکلا تو میں نے سوچا کہ وہ بھی مر جائے گا، لیکن اس نے ایسا نہیں کیا۔”