گوگل نے اسمارٹ فون کے آپریٹنگ سسٹم اینڈروئیڈ ورژن 13 میں اہم فیچر شامل کرنے پر کام شروع کردیا ہے۔
ٹیکنالوجی ویب سائٹ Esper میں شائع ہونے والی رپورٹ کے مطابق گوگل کا یہ فیچران صارفین کے لیے گیم چینجر ثابت ہوگا جوایک فون پردوسم کارڈ استعمال کرتے ہیں۔
ابتدائی طورپراس فیچرکواینڈروئیڈ فونزکے لیے ڈیولپ کیا جا رہا ہے، تاہم بعد ازاں اسے آئی اوایس اورونڈوزصارفین کے لیے بھی پیش کیا جاسکتا ہے۔
ملٹی پل اِن ایبلڈ پروفائلز(ایم ای پی) کے نام سے ڈیولپ کیے جانے والے اس فیچر کے ذریعے سرچ انجن جائنٹ ایک سنگل ای سم پردوکیریئرزکوآپریٹ کرنا چاہتا ہے۔
رپورٹ کے مطابق گوگل نے 2020 میں اس فیچرکا پیٹینٹ فائل کردیا تھا، جب کہ ماضی میں یہ رپورٹس بھی سامنے آئی تھی کہ گوگل اپنے اسمارٹ فون پکسل کے ہارڈویئرمیں اس فیچر کی آزمائش کررہا تھا۔
Advertisement
اس فیچرکو بنانے کا مقصد سم کارڈ سلاٹ کے لیے مختص جگہ کوہارڈویئرکے لیے استعمال کرنا ہے۔
رپورٹ کے مطابق اینڈروئیڈ 13 کورواں سال مئی میں ہونے والی گوگل کی ڈیولپرکانفرنس2022 I/O میں پیش کیا جائے گا۔ جب کہ اس سال کے آخرتک اسے صارفین کے لیے جاری کردیا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
