مسلم لیگ ن کی جانب سے 17 اپریل کو عمران خان کی سابقہ اہلیہ جمائما گولڈ اسمتھ کی رہائش گاہ کے باہر احتجاج کا اعلان کیاگیا ہے۔

سوشل میڈیا رپورٹس کے مطابق مسلم لیگ ن برطانیہ قیادت کی جانب سے یہ اعلان حال ہی میں نواز شریف کے بیٹوں کے پارک لین فلیٹس کے باہر ہونے والے احتجاج کے ردعمل میں کیا جا رہا ہے۔

اس احتجاجی اعلان کے بعد جمائما گولڈ اسمتھ نے سماجی را بطے کی ویب سائٹ پر ردعمل دیتے ہوئے کہاکہ میری رہائش گاہ کے سامنے مسلم لیگ ن کے کارکنوں کا احتجاج جاری ہے۔

عمران خان کی سابقہ اہلیہ نے بتایا کہ میرے بچوں کو نشانہ بنایا جارہا ہے، سوشل میڈیاپر وہی کردار کشی میرے بارے میں کی جا رہی ہے،ایسا لگتا ہے جیسے میں 90 کی دہائی میں واپس لاہور پہنچ گئی ہوں۔

جمائما نے اپنی اس ٹوئٹ کے آخر میں ’پرانا پاکستان‘ کا ہیش ٹیگ بھی لکھا۔

Protests outside my house, targeting my children, antisemitic abuse on social media…. It’s almost like I’m back in 90s Lahore. #PuranaPakistan pic.twitter.com/0R2YOPcQrJ

— Jemima Goldsmith (@Jemima_Khan) April 15, 2022

جمائما نے اسی حوالے سے ایک اور ٹوئٹ کی، جس میں ان کا کہنا ہےکہ ایک بار پھر، احترام کے ساتھ- میں اپنے سابق شوہر یا اپنے بھائی کے سیاسی اعمال یا بیانات کی ذمہ دار نہیں ہوں۔

Advertisement

Again, with respect- I am not responsible for the political actions &/or statements of my ex husband or my brother.

— Jemima Goldsmith (@Jemima_Khan) April 15, 2022