نیوزی لینڈ کے روز ٹیلر کے شاندار کیرئیر کے اختتام کے بعد کیوی بیٹر مارٹن گپٹل نے روز ٹیلر کی سنچریوں کے ریکارڈ پر نظریں جما لی ہیں۔

نیوزی لینڈ کے سابق بیٹر روز ٹیلر نے اپنے 236 ون ڈے میچز کے کیرئیر کے دوران 220 مرتبہ میدان میں اترے۔

ٹیلر نے ون ڈے میچزمیں 39 مرتبہ ناٹ آؤٹ رہتے ہوئے 8607 رنز بنائے، ٹیلر کی ون ڈے کیرئیر کی بیٹنگ اوسط 47.55 رہی۔

روز ٹیلر نے 83.32 کی اسٹرائک سے 21 سنچریز اسکور کیں اور ان کا سب بڑا اسکور 181 رنز ناٹ آؤٹ تھا۔ روز ٹیلر نے اپنے کیرئیر کے دوران 51 نصف سنچریز بھی اسکور کیں۔

Advertisement

Can Martin Guptill go past Ross Taylor's record? 🤔 pic.twitter.com/JB5sNZLueV

— ESPNcricinfo (@ESPNcricinfo) April 5, 2022

روز ٹیلر کی انٹرنیشنل کرکٹ سے رخصتی کے بعد مارٹن گپٹل سے کرکٹ شائقین نے توقعات وابستہ کر لی ہیں کہ وہ روز ٹیلر کا ون ڈے میں سب سے زیادہ سنچریوں کا ریکارڈ توڑ سکتے ہیں۔

مارٹن گپٹل نے اب تک نیوزی لینڈ کی جانب سے 189 میچز میں حصہ لیا ہے اور 186 اننگز میں 42.15 کی اوسط سے 7041 رنز بنائے ہیں۔

مارٹن گپٹل نے ون ڈے کیرئیر میں 17 سنچریز اسکور کی ہیں جبکہ ان ہائی اسکور 237 رنز ہے۔

مارٹن گپٹل، روز ٹیلر کے میچوں کی کل تعداد سے 47 اننگز پیچھے ہیں اور ان کی 21 سنچریز سے بھی صرف 4 سنچریز پیچھے ہیں.

کرکٹ ماہرین کے مطابق مارٹن گپٹل کے لئے سنہری موقع ہے کہ وہ روز ٹیلر کی 21 سنچریز کا ریکارڈ توڑ سکتے ہیں۔