پاکستان شوبز انڈسٹری کی نامور اداکارہ اور میزبان ڈاکٹر شائستہ لودھی نے بتایا کہ وہ  مولانا فضل الرحمان سے ایک سوال پوچھنا چاہتی ہیں، وہ کیا ہے جانئیے۔

شائستہ لودھی نے گزشتہ روز ایک نجی ٹی وی کی رمضان ٹرانسمیشن میں بطور مہمان شرکت کی اور مختلف موضوعات پر گفتگو کی۔

میزبان کی جانب سے ڈاکٹر شائستہ لودھی کے سامنے جب جمیعت علما اسلام اور پاکستان ڈیموکریٹک موومنٹ کے سربراہ مولانا فضل الرحمان کا نام لیا گیا تو انہوں نے ایک منٹ کی تاخیر کیے بغیر اپنا سوال سامنے رکھ دیا۔

شائستہ لودھی نے کہا کہ اگر موقع ملا تو وہ مولانا فضل الرحمان سے پوچھیں گی کہ ’سر کیا آپ کو واقعی لگتا ہے کہ آپ صدر بن سکتے ہیں‘؟۔

ویڈیو: گیم شو کے دوران شائستہ لودھی اسٹیج پر گرگئیں

دوسری جانب سوشل میڈیا پر ایک گیم شو کی ویڈیو وائرل ہو رہی ہے ، جس میں با آسانی دیکھا جا سکتا ہے کہ ڈاکٹر شائستہ لودھی اپنے ہاتھ میں بریف کیس تھامے ہوئی ہیں اور جیسے ہی انعام نکلتا ہے تووہ اپنے جذبات پر قابو نہ رکھتے ہوئے جیسے ہی مڑتی ہیں توان کا پیر پھسل جاتا ہے۔

دیکھتے ہی دیکھتے شائستہ لودھی کیمرے اور شائقین کے سامنے  اسٹیج کے  فلور پر سلپ ہوجاتی ہیں اور ان کے ہاتھ سے وہ انعام والا بریف کیس بھی گرجاتا ہے۔

اس مذکورہ ویڈیو پر صارفین کے ملے جلے تبصرے جا ری ہیں ۔

واضح رہے کہ یہ پہلا موقع نہیں کہ شائستہ لودھی کسی ٹی وی شو کے دوران فلور پر پھسلی ہوں اس سے قبل بھی وہ اپنے ہی مارننگ شو میں پھسل چکی ہیں۔