اے این ایف کی باچا خان انٹرنیشنل ایئرپورٹ پر کارروائی، منشیات برآمد

ویب ڈیسک

24th Apr, 2022. 11:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اے این ایف کی باچا خان انٹرنیشنل ایئرپورٹ پر کارروائی، منشیات برآمد

اینٹی نارکوٹکس فورس (اے این ایف) کی جانب سے پشاور کے باچا خان انٹرنیشنل ایئرپورٹ پر کامیاب کاروائی کی گئی ہے۔

تفصیلات کے مطابق کارروائی کے نتیجے میں مسافر کی پیٹ سے منشیات برآمد کرلی گئی ہے، مسافر نجی ائیر لائن سے بحرین جارہا تھا۔

ترجمان اے این ایف نے بتایا کہ ملزم کا تعلق سے پشاور سے ہے تاہم ملزم کے خلاف انسداد منشیات قانون کے مطابق مقدمہ درج کرلیا گیا ہے۔

واضح رہے کہ کچھ دن قبل بھی اینٹی نارکوٹکس فورس (اے این ایف) اور اے این ایف کراچی نے شہر قائد میں مشترکہ کارروائی کرتے ہوئے بھاری مقدار میں منشیات برآمد کی تھی۔

کارروائی الآصف اسکوئر کے قریب کی گئی تھی جہاں تین ملزمان کے قبضے سے 3.030 کلوگرام منشیات برآمد کی گئی تھی۔

ترجمان اے این ایف کے مطابق ملزمان کو منشیات کی خرید و فروخت کے دوران رنگے ہاتھوں گرفتار کیا گیا، گرفتار ملزمان میں چاغی کے رہائشی راشد اور فضل الرحمن جبکہ سانگھڑ کا رہائشی محمد رفیق شامل ہیں۔