ایک تحقیق کے نتیجے میں یہ اہم خبر یہ آئی ہے چھاتی کے سرطان سے صحت یاب ہونے والی خواتین اگر ورزش کو اپنا معمول بنالیں تو وہ اس مرض کے دوبارہ حملے سے محفوظ رہ سکتی ہیں۔

 یہ بات تو سب ہی جانتے ہیں کہ بریسٹ کینسر کا حملہ بار بار ہوتا ہے لیکن ایسے خوش نصیب افراد جو اس مرض کو شکست دینے میں کامیاب ہوگئے ہیں اگر کچھ ہمت سے کام لے کر درمیانے درجے کی ورزش کواپنا شعار بنالیں تو جسم کا قدرتی دفاعی یا امنیاتی نظام بہتر ہوجاتا ہے اور کینسر کے اگلے حملے سے بھی تحفظ دے سکتا ہے۔

یہ تحقیق کولمبس اوہائیوامریکا میں کی گئی جس کے مطابق کیموتھراپی یا ریڈیو تھراپی کے بعد مریض کینسر سے آزاد ہوجاتا ہے تو درمیانے درجے کی ورزش ایک جانب تو ان کو فٹ رکھتی ہے، ڈپریشن سے بھی بچاسکتی ہے کیونکہ کیموتھراپی کے ڈپریشن کے اثرات بھی ہوتے ہیں لیکن اس کے ساتھ ان کی قدرتی امنیاتی بھی برقرار رہ سکتی ہے۔

واضح رہے کہ امیون ریسپونس دیکھنے کے لئے کا ایک سروے کیا گیا تھا جس میں بظاہر ٹائی فائیڈ ویکسین کا امیون ریسپونس چیک کیا گیا تھا لیکن ساتھ ہی اس تحقیق کا رخ بریسٹ کینسر کی جانب بھی موڑ دیا گیا تھا۔

امیونٹی کا مطلب یہ ہے کہ جسم میں کسی بھی وجہ سے سوزش ہو جوکئی بیماریوں کا سبب بنتی ہے اور خون کے  سفید خلیات کا جو ریپونس ہوتا ہے اس کو ورزش بہتر بناتی ہے یہ بات تو طے ہے لیکن بریسٹ کینسر سے صحت یاب ہونے والے مریضوں میں اس کے فائدہ دو چند ہوسکتے ہیں اور اس بہت فائدہ حاصل کر سکتے ہیں۔

تاہم اس تحقیق کی خاتون محقق جینیز کیسیلیٹ گلیسرکا کہنا ہے وہ خواتین جو اس مرض سے صحتیاب ہو چکیں ہیں اگر درمیانے درجے کی ورزش کو اپنا شعار بنالیں تو اس سے بہت مثبت نتائج بر آمد ہوسکتے ہیں ضروری نہیں کہ اس کے بہت سخت قسم کی ورزش کی جائے بلکہ ہلکی پھلکی ورزش سے بھی  فائدہ اٹھاسکتے ہیں۔

 اگرچہ یہ تحقیق بہت چھوٹے پیمانے پر کی گئی ہے جس میں صرف ایک سو اٹھاون ہی ایسی خواتین کو شامل کیاگیا تھا جنہیں دس سال پہلے کیموتھراپی سے گزرنا پڑا تھا اور ان میں سے کئی خواتین مینوپاز سے بھی گزر چکی تھی اور موٹاپے کا شکار بھی تھی تو ایسی خواتین جنہوں ورزش کو جاری رکھا ان کے اندر بہت اچھے اور مثبت اثرات دیکھنے میں آئے جسم  کینسر اور دوسری بیماریوں سے لڑنے یا مقابلے میں بہتر پایا گیا۔