بالی ووڈ میں عالیہ بھٹ اور رنبیر کپور کی شادی کی خبروں کے خوب چرچے ہو رہے ہیں، اس حوالے سے تازہ ترین خبر شادی کی تقریب میں سیکیورٹی کے حوالے سے سامنے آئی ہے۔
بھارتی میڈیا رپورٹس کے مطابق عالیہ اور رنبیر کی شادی 14 اپریل کو ممبئی میں ہوگی اور اس اہم تقریب کے لئے ناصرف سیکیورٹی کے حوالے سے خصوصی انتظامات کیے گئے ہیں بلکہ اس سلسلے میں 200 باؤنسرز اور ڈرونز کو بھی شامل کیا گیا ہے۔
اس حوالے سے مزید کہا جا رہا ہے کہ رنبیر کپور اور عالیہ بھٹ اپنے ہنی مون کے لیے جنوبی افریقہ جائیں گے۔
شادی کس مقام پر ہوگی؟
Advertisement
بالی ووڈ جوڑی نے شادی کے لیے رشی کپور کے گھر کرشنا راج (آر کے) ہاؤس کا انتخاب کیا ہے۔
کون کونسے بالی ووڈ اسٹارز شادی کو چار چاند لگائیں گے؟
لیگ ہونے والی فہرست کے مطابق اس شادی میں انڈسٹری کے نامور ہدایت کار و پروڈیوسر کرن جوہر، سنجے لیلا بھنسالی، آدیتیا چوپڑا، زویا اختر، مسابا گپتا، ورن دھاون،آدیتیا روئے ، روہیت دھاون، ایان مکھرجی، ارجن کپور، منیش ملہوترا، اکنشا رانجن اور انوشکا رنجن شرکت کرینگے۔
Advertisement
ذرائع کا کہنا ہےکہ بھٹ اور کپور خاندان کے افراد جن میں مہیش بھٹ اور مکیش بھٹ کے جبکہ دوسری جانب کرشمہ کپور، کرینہ کپور اور سیف علی خان شامل ہیں ، ان کے ساتھ ساتھ بالی ووڈ کے بے تاج بادشاہ شاہ رخ خان بھی اس شادی میں شرکت کرینگے ۔
بھارتی میڈیا کا کہنا ہےکہ رنبیر کپور اور عالیہ بھٹ کی دوست اور بالی ووڈ کی صف اول کی ہیروئن دیپیکا پڈوکون بھی شرکت کرینگی جوکہ دلہا کی سابقہ گرل فرینڈ بھی رہ چکی ہیں۔
واضح رہےکہ رنبیر کپور اور عالیہ بھٹ بالی ووڈ کی مشہور فلمی جوڑی ہے، دونوں اسٹارز اکثر اپنی دوستی اور تعلق کی وجہ سے خبروں کی زینت بنتے رہتے ہیں۔
Advertisement
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
