چوہدری سرور کو گورنر کے عہدے سے ہٹانے کی اندرونی کہانی سامنے آگئی ہے۔

ذرائع کے مطابق گورنر پنجاب کو اہم شخصیات کی شکایت پر ہٹایا گیا جبکہ اتحادی جماعت کو بھی گورنر پنجاب کے تعاون نہ کرنے کی شکایت تھی۔

ذرائع نے بتایا کہ گورنرپنجاب کےعلم میں لائے بغیر انہیں عہدے سے ہٹایا گیا، 3 روز قبل چوہدری سرورکے وزیراعظم سے بھی اختلافات ہوئے تھے۔

ذرائع نے مزید بتایا کہ چوہدری سرور وزیراعظم عمران خان سے ناراض ہو کر پی ایم ہاؤس سے آگئے تھے۔

چوہدری سرور کو گورنر پنجاب کے عہدے برطرف کردیا گیا ہے۔

وفاقی وزیر اطلاعات فواد چوہدری نے اپنی ٹوئٹ میں کہا ہے کہ گورنر پنجاب چوہدری محمد سرور کو ان کے عہدے سے برطرف کردیا گیا ہے۔

وفاقی حکومت نے گورنر پنجاب چوہدری محمد سرور کو ان کے عہدے سے برطرف کر دیا ہے، نئے گورنر پنجاب کا اعلان بعد میں کیا جائیگا، آئین کے مطابق ڈپٹی اسپیکر قائم مقام گورنر ہوں گے

— Ch Fawad Hussain (@fawadchaudhry) April 3, 2022

فواد چویدری نے لکھا کہ وفاقی حکومت نے گورنر پنجاب چوہدری محمد سرور کو ان کے عہدے سے برطرف کر دیا ہے۔

وفاقی وزیر نے کہا کہ نئے گورنر پنجاب کا اعلان بعد میں کیا جائے گا، آئین کے مطابق ڈپٹی اسپیکر قائم مقام گورنر ہوں گے۔

چوہدری سرور کا سیاسی پس منظر

چوہدری سرور کئی برسوں تک برطانیہ میں مقیم رہے ہیں، وہ برطانیہ کی سیاست میں کافی فعال تھی تاہم 2013 میں مسلم لیگ (ن) کی حکومت بننے کے بعد انہیں گورنر پنجاب بنایا گیا۔

بعد ازاں چوہدری سرور نے تحریک انصاف میں شمولیت اختیار کرلی تھی۔

چوہدری سرور کو 2018 کے انتخابات میں کامیابی کے بعد گورنر پنجاب بنایا گیا ، اس سے قبل وہ تحریک انصاف ہی کے ٹکٹ پر سینیٹر بھی رہے ہیں۔