پاکستان کے فاسٹ بولر حسن علی نے بین الاقوامی کرکٹ میں اپنی حالیہ خراب فارم پر تنقید کرنے والوں کو جواب دیا۔

تفصیلات کے مطابق حسن علی نے اپنے ایک پیغام میں دعویٰ کیا کہ وہ فائٹر ہیں اور بہت جلد فارم میں واپس آئیں گے۔

فاسٹ بولر کا کہنا تھا کہ میں ان لوگوں کو یقین دلاتا ہوں جو شک کرتے ہیں کہ آیا میں وائٹ بال فارمیٹس میں موثر ہوں یا پاکستان کے لیے کھیلنے کے لیے موزوں نہیں ہوں کہ میں ایسا نہیں ہونے دوں گا ، میں ایک فائٹر ہوں اور یہی میری فطرت ہے، اور میں واپس آؤں گا۔

انہوں نے کہا کہ دیکھو ہر کسی کو اپنے نقطہ نظر کا اظہار کرنے کا حق ہے اور وہ کہہ سکتے ہیں کہ وہ میرے بارے میں کیا پسند کرتے ہیں لیکن جیسا کہ میں نے ہمیشہ کہا ہے کہ ایسی چیزیں مجھے بالکل پریشان نہیں کرتیں۔

ان کا کہنا تھا کہ کوئی ایسا شخص جو ٹیم میں ہو، جو اپنی قوم کے لیے کھیلتا ہو اور اپنے ملک کے لیے اپنی جان بھی دے سکتا ہو، ایسی تنقید اسے اپنی قوم کی خدمت کرنے سے باز نہیں آنے دے گی۔

حسن  علی کی بین الاقوامی فارم تشویش کی علامت ہے کیونکہ انہوں نے آسٹریلیا کے دورہ پاکستان کے دوران چار میچوں میں صرف دو وکٹیں حاصل کی تھیں۔

واضح رہے کہ حسن علی  اس وقت کاؤنٹی چیمپئین شپ میں لنکاشائر کی نمائندگی کر رہے ہیں انہوں نے اب تک صرف دو میچوں میں 12 وکٹیں حاصل کی ہیں جن میں ایک فائفر بھی شامل ہے۔