حال ہی میں اپنے گانے “محبت” کے لیے گریمی ایوارڈ جیتنے والی پاکستانی نژاد امریکی گلوکارہ عروج آفتاب کی عالمی شہرت یافتہ میوزک بینڈ بی ٹی ایس کے ممبرز سے ملاقات ہوئی۔

امریکی شہر بروکلن سے تعلق رکھنے والی عروج نے کورین میوزک بینڈ کے ساتھ ہونے والی اپنی گفتگو کے بارے میں بتایا۔

عروج آفتاب کی جانب سے جاری کی گئی ایک خصوصی ویڈیو میں انہوں نے بتایا کہ جب میں نے بی ٹی ایس کے ساتھ تصویر لینے کی درخواست کی تو بینڈ ممبرز نے انہیں ایوارڈ جیتنے پر مبارکباد دی۔

عروج آفتاب نے جنوبی کوریائی بینڈ کے ممبرز سے کہا کہ پاکستان میں آپ کے مداح، آپ لوگوں کو بہت پسند کرتے ہیں۔

بی ٹی ایس بینڈ ممبرز نے یہ سن کر شکریہ ادا کیا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Arooj Aftab (@aroojaftabmusic)

عروج نے اپنی انسٹاگرام ویڈیو میں حفیظ ہوشیارپوری کا بھی شکریہ ادا کیا۔

خیال رہے کہ “محبت” گانے پر انہیں گریمی ایوارڈ سے نوازا گیا، جس کی شاعری حفیظ ہوشیار پوری نے لکھی تھی۔

عروج کا مزید کہنا تھا کہ سب مجھ سے کہہ رہے ہیں گریمی ایوارڈ تو دکھا دیں۔

انہوں نے کہا کہ گریمی ایوارڈ تقریب کے دوران ہی واپس لے لیا جاتا ہے، لیکن بعد ازاں یہ ایوارڈ آپ کو بذریعہ ڈاک آپ کے نام کے ساتھ بھیجا جاتا ہے۔

ان کا کہنا تھا کہ جیسے ہی مجھے ایوارڈ موصول ہوگا میں اس کے ساتھ ایک لائیو ویڈیو کرکے آپ سب کو دکھاؤں گی۔