وہائٹ ہاؤس کے ترجمان نے کہا ہے کہ امریکی نائب صدر کملا ہیرس کا ریپڈ اور پی سی آر دونوں ٹیسٹ میں کورونا مثبت آ گیا ہے۔

وہائٹ ہاؤس کے ترجمان کا کہنا تھا کہ نائب صدر میں بیماری کی کوئی علامات نظر نہیں آئی تھی۔

کملا ہیرس اپنی رہائش گاہ پر قرنطینہ میں رہیں گی، لیکن کام کرتی رہیں گی اور انفیکشن سے ٹھیک ہونے کے بعد ہی وہائٹ ہاوس لوٹیں گی۔

وہائٹ ہاؤس کے مطابق 57 سالہ کملا ہیرس نے کورونا ویکسین کی دونوں خوراک لگوا لی تھی اور اس کے بعد گزشتہ سال اکتوبر میں بوسٹر خوراک بھی لگوا لی تھی۔ اس کے باوجود انہیں کورونا انفیکشن سے جدوجہد کرنا پڑ رہا ہے۔ اتنا ہی نہیں، یکم اپریل کو انہوں نے ایک اضافی بوسٹر خوراک لگوائی تھی۔

وہائٹ ہاوس نے کہا ہے کہ حالیہ دنوں میں صدر جو بائیڈن اور خاتون اول جل بائیڈن نائب صدر کملا ہیرس کے ‘قریبی رابطے‘ میں نہیں آئے تھے۔

اسی سال مارچ میں کملا ہیرس کے شوہر ڈاج امہاف کورونا سے متاثر ہوئے تھے، لیکن کملا ہیرس اس وقت بھی نگیٹیو پائی گئی تھی۔

کچھ دن پہلے تک امریکی صدر جو بائیڈن کے بھی کورونا سے متاثر ہونے کا بھی خدشہ ظاہر کیا تھا، لیکن ان کی رپورٹ نگیٹیو آئی تھی۔

وہائٹ ہاوس کی کمیونیکیشن ڈائریکٹر کیٹ بیڈنگ فیلڈ نے اس ماہ کی شروعات میں بتایا تھا کہ ان کے کووڈ پازیٹیو ہونے کا خدشہ تھا، لیکن وہ ویکسینیٹیڈ ہیں اور بوسٹر ڈوز بھی لے چکے ہیں۔

گزشتہ کچھ دنوں میں واشنگٹن کے کئی متاثر کن لوگ کورونا کی لپیٹ میں آچکے ہیں۔ مارچ میں وہائٹ ہاوس کی پریس سکریٹری جین پاسکی بھی کورونا کی چپیٹ میں آچکی ہیں۔ اس کے علاوہ امریکی کانگریس کی نینسی پیلوسی بھی کورونا سے متاثر ہوچکے ہیں۔