لیموں سپر فوڈ میں شامل ایک ایسا پھل جس کی افادیت سے ہر ایک واقف ہے لیموں صرف ایک پھل ہی نہیں بلکہ یہ صحت بخش غذا اور بہترین دوا بھی ہے۔ لیموں اپنے اندرجادوئی خواص رکھتا ہے، اس میں کئی صحت بخش اجزاء جیسے وٹامن اے، بی، سی، کیلشیم، میگنیشیم، پوٹاشیم، میگنیز، کاپر اور اینٹی آکسیڈینٹس کی وافر مقدارپائی جاتی ہے جو مجموعی صحت پرمثبت اثرات مرتب کرتی ہے۔

لیکن حیرت انگیز طور اس کا چھلکا خود لیموں اور دوسرے کئی پھلوں سے زیادہ افادیت رکھتا ہے، لوگوں کی بڑی تعداد لیموں استعمال کرنے کے بعد اس کا چھلکا پھینک دیتے ہیں۔ یہی وجہ ہے کہ یہاں پر لیموں کے چھلکوں کے چند حیرت انگیز فائدے پیش کئے جارہے ہیں۔

ہڈیوں کا محافظ

لیموں کے چھلکوں میں وٹامن سی اور کیلشیم کی وافر مقدار پائی جاتی ہے جو ہڈیوں کی صحت بڑھانے میں مدد فراہم کر سکتی ہے۔ ساتھ ہی یہ ہڈیوں سے جڑے امراض جیسے اوسٹیوپروسس اور گٹھیا سے بچانے میں معاون ثابت ہوتے ہیں۔

بہتر بینائی

لیموں کا چھکا کیروٹو نائیڈز سے بھرپور ہوتا ہے یہ ایک رنگ دار مادہ ہے جو لیموں کو زرد رنگ دیتا ہے یہ ایک اینٹی آکسیڈینٹ کو طور پر کام کرتا ہے اور جسم میں جاکر وٹامن اے میں تبدیل ہوجاتا ہے جبکہ وٹامن اے کو بینائی دوست وٹامن کہاجاتا ہے۔

وٹامن اے آنکھوں کی صحت بہتر بنانے کے ساتھ کئی طرح کے انفیکشن سے تحفظ فراہم کرتا ہے۔

دل کی صحت

لیموں کے چھلکوں میں میگنیشیم، کیلشیم اور پوٹاشیم کی وافر مقدار پائی جاتی ہے جو شریانوں کی اندرونی سطح کو آرام دہ حالت میں رکھتی ہے جس سے بلڈ پریشر توازن میں رہتا ہے جو دل کی صحت کے لئے کلیدی کردار ادا کرتا ہے۔

لیموں کے چھلکوں میں موجود دیگر صحت بخش اجزاء بلڈپریشر کو منظم رکھتے ہیں اور ساتھ ہی برے کولیسٹرول ایل ڈی ایل کو کم کرنے میں مدد فراہم کرتے ہیں جوامراض قلب کی اہم وجہ ہے۔

کینسر سے تحفظ

لیموں کے چھلکوں میں موجود لیمونن اور دیگر فلیونائیڈزکینسر کی رسولیوں کی روک تھام میں اہم کردار ادا کرتے ہیں۔

کولیسٹرول میں کمی

یہ چھلکے جسم میں کولیسٹرول کی سطح کو کم کرنے معاون ثابت ہوتے ہیں اور اس کے نتیجے میں دل کی صحت بہتر ہوتی ہے۔

فاسد مادوں کا اخراج

فاسد مادے یا زہریلے عناصر کی موجودگی جسم کو نہ صرف اندر سے کمزور بناتی ہیں بلکہ یہ مضر صحت غذائیں اور مشروبات کی لت کو بھی بڑھاتی ہیں۔ لیموں کے چھلکوں میں موجود بائیوفلاونائیڈز جسم کے ان زہریلے مادوں کو صاف کرنے میں مدد فراہم کرتا ہے۔

استعمال

لیموں کے چھلکوں کو غذا میں استعمال کرنے کے لئے اسے فریزر میں فریز کرلیں۔ پھر اسے کھانے پرگریٹر کو استعمال کرتے ہوئے چھڑک دیں اس طرح کھانے کی خوشبواور ذائقہ کے ساتھ صحت بھی بڑھائیں۔