معروف امریکی ماڈل بیلا حدید نے اداکاری کی دنیا میں قدم رکھنے کا اعلان کر دیا۔

غیر ملکی میڈیا رپورٹ کے مطابق فلسطینی نژاد امریکی ماڈل بیلا حدید نے اعلان کیا ہے کہ وہ جلد اداکاری کی دنیا میں قدم رکھنے والی ہیں اور وہ ویب سیریز سے ایکٹنگ کا ڈیبیو کریں گی۔

اس حوالے سے بیلا حدید نے سماجی رابطے کی فوٹو اور ویڈیو شیئرنگ ایپ ’انسٹاگرام‘ پر اداکاری کے آغاز کی تصدیق کی اور اپنے مداحوں کو بتایا کہ وہ جلد اسکرین پر نظر آئیں گی۔

یہ خبر سن کر بیلا کے دنیا بھر میں موجود مداح بھی بےحد خوش ہیں اور اداکارہ سے نیک تمناؤں کا اظہار کر رہے ہیں۔

رپورٹ کے مطابق ماڈل بیلا ’’رامی‘‘ نامی ویب سیریز کے تیسرے سیزن میں اداکاری کے جلوے بکھیریں گی، تاہم یہ اب تک واضح نہیں ہوسکا کہ اس سیریز میں ان کا کردار کیا ہوگا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Bella 🦋 (@bellahadid)

غیر ملکی میڈیا رپورٹ میں بتایا گیا ہے کہ اس سیریز کی کہانی مصری نژاد نوجوان کی زندگی کے گرد گھومتی ہے جس کی پرورش مغربی دنیا میں ایک مہاجر والدین کرتے ہیں اور اس دوران خاندان کو بہت سی مشکلات کا سامنا کرنا پڑتا ہے۔

واضح رہے کہ سیریز کا مرکزی کردار ’رامی‘ ہی ہے، جسے مصری نژاد امریکی اداکار و لکھاری رامی یوسف نے ادا کیا۔

البتہ ’رامی‘ کا تیسرا سیزن کب ریلیز کیا جائے گا یہ بھی اب تک واضح نہیں ہوا تاہم اطلاعات ہیں کہ جلد ہی بیلا شوٹنگ کا حصہ بنیں گیں۔