مشہور پاکستانی اداکارہ اقرا عزیز نے مشہور رمضان ٹرانسمیشن چوہدری اینڈ سنز میں کام کرنے سے کیوں انکار کیا تھا، وجہ منظرِ عام پر آگئی۔
معروف پاکستانی ڈرامہ نگار صائمہ اکرم چوہدری نے انکشاف کیا ہے کہ اقراء عزیز نے رمضان اسپیشل سیریل ’چوہدری اینڈز سنز‘میں کام کرنے سے انکار کر دیا تھا۔
حال ہی میں ڈرامہ نگار صائمہ اکرم نے ایک شو میں شرکت کی جہاں انہوں نے بتایا کہ اقرا عزیز کو چوہدری اینڈ سنز میں کام کرنے کی پیشکش کی گئی تھی تاہم اداکارہ نے اس پیشکش کو قبول کرنے سے انکار کر دیا تھا۔
اس انکار کی وجہ بتاتے ہوئے انہوں نے کہا کہ اقراء نے اپنے بچے کی وجہ سے کسی بھی رمضان اسپیشل سیریل میں کام کرنے سےانکار کردیا۔
انہوں نے بتایا کہ ’ مداحوں کی پر زور فرمائش پر اُنہوں نے پوری کوشش کی تھی کہ وہ فرحان اور اقراء کو ایک بار پھر اسکرین پر ایک ساتھ واپس لے کر آئیں‘۔

اُنہوں نے مزید بتایا کہ’اس حوالے سے جب اُنہوں نے فرحان اور اقراء دونوں سے رابطہ بھی کیا لیکن دونوں بہت مصروف تھے تو یہ ممکن نہیں ہوسکا‘۔
اُنہوں نے کہا کہ’یہاں تک کہ وہ ڈرامہ سیریل چوہدری اینڈ سنز میں بھی اقراء عزیز کو کاسٹ کرنا چاہتی تھیں لیکن اقراء نے اپنے بچے کی وجہ سے کسی بھی رمضان اسپیشل سیریل میں کام کرنے سےانکار کردیا‘۔
اُنہوں نے اپنی بات مکمل کرتے ہوئے کہا کہ’پھر اقراء عزیز کے انکار کے بعد اس ڈرامے میں عائزہ خان کو کاسٹ کرلیا گیا‘۔