فلسطینی نژاد امریکی سپر ماڈل بیلا حدید نے اسرائیل کو مخاطب کرتے ہوئے کہا ہے کہ اگر آپ چاہتے ہیں میں فلسطین سے متعلق بات کرنا چھوڑ دوں تو آپ فلسطینیوں کو قتل کرنا چھوڑ دیں۔

امریکی سپر ماڈل بیلا حدید ہمیشہ سے فلسطین کے حق میں آواز اٹھاتی ہوئی دکھائی دیتی ہیں اور وہ فلسطین میں ہونے والے اسرائیلی مظالم پر کھل کر بات کرتی ہیں اور اس کے لیے اپنے سوشل میڈیا کا بھرپور استعمال کرتی ہیں لیکن اپنے حالیہ انٹریو میں انہوں نے دعویٰ کیا ہے کہ میری پوسٹس بلاک کی جارہی ہیں۔

ایک انٹریو میں بیلا حدید نے انکشاف کیا کہ انسٹاگرام فلسطین سے متعلق میری پوسٹ بلاک کررہا ہے اور میں جب بھی فلسطین کے بارے میں پوسٹ کرتی ہوں تو مجھ پر فوراً ’’شیڈو بین‘‘ لگا دیا جاتا ہے جب کہ فوٹو شیئرنگ ایپ پر میری اسٹوریز کو بھی روکا جارہا ہے۔

فلسطینی نژاد امریکی ماڈل نے کہا کہ مجھے فرق نہیں پڑتا انسٹاگرام میری پوسٹس کو سینسر کرے یا پھر بلاک کرے ، میں فلسطین کے حق میں آواز اٹھاتی رہوں گی اور دنیا کو بتاتی رہوں گی کہ کس طرح اسرائیلی حکومت ، اسرائیلی ڈیفنس فورسز بغیر کسی وجہ کے معصوم فلسطینیوں کو نشانہ بنارہے ہیں۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Bella 🦋 (@bellahadid)

انہوں نے اسرائیل کو مخاطب کرتے ہوئے کہا کہ اگر آپ چاہتے ہیں میں بات کرنا چھوڑ دوں ، بالکل اس طرح جس طرح آپ لوگوں نے صحافیوں کو خاموش کروایا ہوا ہے یا پھر کوئی بھی جو فلسطین سے متعلق دنیا کو معلومات فراہم کرنا چاہتا ہے تو آپ کو فلسطینیوں کا قتل عام روکنا ہوگا۔

خیال رہے بیلا حدید نے حال میں اسرائیل کی جانب سے فلسطینیوں پر ہونے والے مظالم کی درجنوں ویڈیوز اپنے انسٹاگرام اکاؤنٹ پر شیئر کرتے ہوئے لکھا ’’ ان مظالم کو سب دیکھیں‘‘۔

خیال رہے انسٹاگرام پر شیڈو پابندی عائد ہونے کا مطلب کسی بھی پوسٹ کو محدود کرنا ہے یعنی وہ پوسٹ آپ کے فالورز تک نہیں پہنچ پائے گی ، صرف محدود لوگ ہی اسے دیکھ سکیں گے۔

یہ بھی پڑھیں؛ اسرائیلی پولیس کا آج چوتھے روز بھی مسجد الاقصیٰ پر دھاوا، نمازیوں کو باہر نکال دیا

واضح رہے اسرائیلی پولیس نے آج مسلسل چوتھے روز مسجد الاقصیٰ پر دھاوا بولا۔ اسرائیلی پولیس کے اہلکاروں نے مسجد الاقصیٰ کے صحن کو نمازیوں سے خالی کرالیا اور اس کارروائی کا مقصد یہودی آباد کاروں کے ایک گروپ کے دورے کو تحفظ فراہم کرنا ہے۔