خان صاحب میں آپ کے گھر امریکی سفیر سے ملا تھا کیا آپ بھی غدار ہیں، علیم خان

خان صاحب میں آپ کے گھر امریکی سفیر سے ملا تھا کیا آپ بھی غدار ہیں؟ علیم خان

ویب ڈیسک

04th Apr, 2022. 05:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خان صاحب میں آپ کے گھر امریکی سفیر سے ملا تھا کیا آپ بھی غدار ہیں؟ علیم خان

علیم خان نے کہا ہے کہ خان صاحب میں آپ کے گھر امریکی سفیر سے ملا تھا کیا آپ بھی غدار ہیں؟

پی ٹی آئی کے رہنما علیم خان نے پریس کانفرنس کرتے ہوئے کہا ہے کہ چند باتیں قوم کے سامنے رکھنا چاہتا ہوں، ایک بہترپاکستان کیلئےعمران خان کا ساتھ دینے کا فیصلہ کیا۔

انہوں نے کہا کہ ہم نے نئے پاکستان کیلئے دن رات محنت کی، میرا کاروبارتھا، حکومت کیخلاف کھڑے ہونا میرے لیے آسان نہیں تھا، عمران خان کے ساتھ دھرنےمیں 126دن رہا، دھرنے کےدوران ڈیزل، پانی اور کھانا پہنچانا میری ذمہ داری تھی۔

علیم خان نے کہا ہے کہ غداری کا الزام لگانے والوں کو کہتا ہوں سب سے زیادہ قربانی میں نے دی، بزدارکو وزیراعلیٰ لگانا تھا لگا دیتے لیکن مجھے کیوں نیب کے پاس بھجوایا؟

پی ٹی آئی کے رہنما علیم خان نے کہا ہے کہ ایسی کیا غلطی کی جو 4 مرتبہ نیب میں بلایا گیا، چوتھی بار نیب دفتر گیا تو خبر ملی عثمان بزدار وزیراعلیٰ بنا دیئے گئے۔

انہوں نے کہا کہ 6 ماہ بعد جب عثمان بزدار کو ہٹانے کی خبر چلی تومجھے دوبارہ نیب کانوٹس آیا۔

علیم خان نے کہا ہے کہ کہتے ہیں میں امریکی سفیر سے ملتا ہوں، میں امریکی سفیر کو آپ کے ساتھ آپ کے گھر میں ملا تھا کیا وہ غداری تھی؟