گھر میں مختلف قسم کے پودے رکھنا فائدے مند ہوتے ہیں لیکن منی پلانٹ کی خصوصیات جان کر آپ اسے اپنے گھر میں رکھنے کے لیے مجبور ہو جائیں گے۔

منی پلانٹ جسے سائنسی زبان میں Epipremnum aureum، pinnatum اور Scindapsus aureus کہا جاتا ہے، اس کے بے شمار فوائد ہیں جن سے بہت کم لوگ واقف ہیں۔

 اس کے علاوہ منی پلانٹ کے مزید نام ہیں جو کہ Pothos، Devils Ivy اور Silver Vine ہیں۔

پودوں کی ایک خاص ویب سائٹ flower aura کے مطابق منی پلانٹ گھر میں رکھنے سے بے شمار فوائد حاصل ہوتے ہیں جن میں صحت پر اچھے اثرات اور دماغی تناؤ سے نجات سرِ فہرست ہیں۔

کئی لوگوں کا یہ بھی ماننا ہے کہ منی پلانٹ خوش قسمتی کی علامت سمجھا جاتا ہے، یہ پودا گھر میں رکھنے سے آمدنی میں بھی اضافہ ہوتا ہے۔

اس بات سے انکار نہیں کیا جا سکتا کہ کئی ایسے پودے ہیں جنہیں گھر میں رکھنے سے آپ کو مالی اور جسمانی طور پر فائدہ حاصل ہوتا ہے۔

منی پلانٹ بھی ان ہی پودوں میں سے ایک ہے،اس خوشحالی لانے کا سبب قرار دیا جاتا ہے۔

منی پلانٹ ایک ایسا پودا ہے جو ہوا میں سے تمام زہریلے مادے اپنے اندر جذب کر لیتا ہے جبکہ ارد گرد کی آب و ہوا کو پاک اور صاف بنا دیتا ہے۔

اس کے علاوہ منی پلانٹ وہ پودا ہے جو موبائل، ٹیلی ویژن، لیپ ٹاپ اور ٹیب میں سے تمام ریڈئیشن اپنے اندر جذب کر لیتا ہے اور آپ کی صحت بالکل خراب نہیں ہونے دیتا۔

اگر آپ ہر وقت پریشان رہتے ہیں یا انزائیٹی کا سامنا ہے تو گھر میں منی پلانٹ کا پودا ضرور رکھیں، آپ اسے اپنے کمرے میں یا آفس کی ڈیسک پر رکھ سکتے ہیں کیونکہ یہ وہ پودا ہے جسے سورج کی روشنی درکار نہیں ہوتی اسی لیے اسے ان ڈور پلانٹ یعنی گھر کے اندر رکھے جانے والا پودا بھی کہا جاتا ہے۔

ماہرین کے مطابق جس گملے یا بوتل میں منی پلانٹ کا پودا لگائیں اس کا رنگ لال نا ہو، یا اس پودے کو کسی لال رنگ کے فرنیچر یا کسی بھی لال رنگ کی چیز کے قریب نا رکھیں۔

منی پلانٹ کے پودے کو اس وقت پانی دیں جب مٹی بالکل خشک ہو جائے، اسے زیادہ پانی کی ضرورت نہیں ہوتی، 3 سے 4 دن بعد پانی دے سکتے ہیں۔

کوشش کریں کہ جس گملے یا بوتل میں منی پلانٹ کا پودا لگائیں اس کے نچلے حصے یعنی سطح کو پودے کے پتے نا چھوئیں۔

ماہرین کے مطابق منی پلانٹ کو ہر گز east-west direction یعنی مشرق مغرب کی سمت نا رکھیں۔