
گرمیاں ہویا برسات کا موسم مکھیاں ہر طرف دکھائی دینے لگتی ہیں اور بات کچن کی ہو تومکھیوں کی موجودگی میں کھاناپکانا محال ہوجاتا ہے اور ساتھ ہی یہ کئی بیماریاں پھیلانے کا سبب بھی بنتی ہیں۔ ان سے چھٹکارہ حاصل کرنا اکثر مشکل ہوجاتا ہے۔
یہ بات تو سب ہی جانتے ہیں کہ آج کل ماہ رمضان کا بابرکت مہینہ ہمارے درمیان کوموجود ہے جبکہ ساتھ ہی عید کی تیاریاں بھی جاری ہیں ایسے میں مکھیاں گھروں میں موجود ہوں تو کھانا کی اشیاء کو ان سے بچانا نہایت مشکل ہوتا ہے۔
یہی وجہ ہے کہ آج یہاں پر مکھیوں کو دور بھگانے کے لئے چند انتہائی کار آمد طریقے بتارہیں ہیں جن کی مدد سے مکھیاں آپ کے کچن کا رخ نہیں کرے گی۔
پانی سے بھری پلاسٹک کی تھیلیاں
ایک شفاف پلاسٹک کی تھیلی میں پانی بھر کر کچن کی کھڑکیوں اور دروازوں کے درمیان لٹکادیں وہ دور سے مکڑی کے جالے کی طرح نظر آتی ہیں اسے دیکھ مکھیاں اندر نہیں آئی گی۔
جڑی بوٹیوں کی مہک سے مکھیاں بھگائیں
تیزپات، تلسی اور گیندے میں مخصوص مہک ہوتی ہے جو مکھیوں کو پسند نہیں ہوتی ان کے پودے باورچی خانے میں رکھنے سے مکھیاں اندرداخل نہیں ہوں گی۔
سوکھے تلسی اور تیزپات کو ایک ململ کے کپڑے میں باندھ کر کچن کی کھڑکیوں اور دروازوں کے درمیان لٹکانے سے بھی مکھیاں بھاگ جائیں گی۔
لونگ اور لیموں سے مکھیاں دور کریں
لونگ کا استعمال کھانوں میں خوشبوکے لئے کیا جاتا ہے مگر اس کی بو مکھیوں کو ناگوار گزرتی ہے اور اس کے ساتھ لیموں بھی شامل ہوجائے تومکھیاں کبھی اس طرف رخ نہیں کرے گی۔
ایک لیموں کو درمیان سے دو حصوں میں کاٹ کراسے نرم کرلیں اب اس میں لونگ کی کچھ مقدار لگا کر کچن میں رکھ دیں اور مکھیوں سے فوری نجات پائیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News