کرکوک، صلاح الدین اور دیالہ کے درمیانی وسیع رقبے پر اپنے وجود کا مظاہرہ کرنے والی داعش کے خلاف آئرن ہیمر آپریشن میں عراقی فضائیہ بھی معاونت  کررہی ہے۔

غیر ملکی خبرررساں ادارے کے مطابق عراق میں دہشتگرد تنظیم داعش کے خلاف آپریشن شروع  ہو گیا ہے۔عراقی وفاقی پولیس کی جانب سے جاری کردہ تحریری بیان میں   بتایا گیا ہے کہ کرکوک، صلاح الدین اور دیالہ  کے  درمیانی وسیع رقبے پر  اپنے وجود کا مظاہرہ کرنے والی داعش کے خلاف  آئرن   ہیمر  آپریشن  میں عراقی فضائیہ بھی  تعاون کر رہی ہے۔

 بیان میں  واضح کیا گیا ہے کہ خطے میں داعش کے کارندوں کے زیر استعمال  تین پناہ گاہوں کو تباہ کر دیا گیا ہے اور بھاری تعداد میں جنگی سامان، دھماکہ خیز مواد،ہتھیار اور روز مرہ کے استعمال کی اشیاء کو برآمدکیا گیا ہے۔ اس آپریشن کا مقصد داعش دہشت گرد تنظیم کے علاقے کو مکمل طور پر پاک کرنا تھا۔

ان کا مزید کہنا تھا کہ کرکوک کے جنوب میں وادی الا شائے  اور وادی زیگیتون علاقوں میں دہشت گردوں اور سیکورٹی فورسز کے درمیان جھڑپ ہوئی۔کرکوک آپریشنز کمانڈ، عراقی وفاقی پولیس فورس اور حشد الاشعبی قوتوں کا یہ مشترکہ آپریشن اس وقت تک جاری رہے گا جب تک کہ علاقے سے دہشت گردوں کا خاتمہ نہیں ہو جاتا۔

یاد رہے، دہشت گرد تنظیم داعش نے جون 2014 میں عراق کے موصل، صلاح الدین اور انبار صوبوں کے ساتھ ساتھ دیالہ اور کرکوک کے کچھ صوبوں پر قبضہ کر لیا تھا اور ان علاقوں کو کئی سالوں بعد  تنظیم  سے بازیاب کرایا گیا تھا۔