پکوڑے یا تو برسات کے موسم میں بہت شوق سے کھائے جاتے ہیں یا پھر رمضانوں میں ،کچھ لوگ پکوڑے کھانے سے اس لئے گھبراتے ہیں کہ اس میں تیل بہت ہوتا ہے اور اس کو کھا کر وزن بہت بڑھ جاتا ہے۔

آج ہم آپ کی یہ مشکل آسان کر دیں گے ،ہماری اس ٹپ کو آزما کر آپ جتنے مرضی چاہیں پکوڑے کھائیں آپ کو تیل سے ڈرنے کی ضرورت نہیں رہے گی۔

پکوڑے تلتے وقت گرم ہوئے تیل میں ایک چٹکی نمک ڈال دیں ،اس سے پکوڑوں میں تیل جزب نہیں ہوگا۔

اس کے علاوہ بیسن گھولتے وقت اس میں ایک چائے کا چمچ تیل ملا لیں ،اس سے پکوڑوں میں تیل جزب نہیں ہوتا۔

چاول کے پکوڑے:

بیسن تین چوتھائی کپ

ادرک(باریک کٹی ہوئی) ایک کھانے کا چمچ

چاول (ابلے ہوئے ) دو کپ

چاٹ مصالحہ ایک چائے کا چمچ

ہری مرچ(باریک کٹی ہوئی) ایک کھانے کا چمچ

نمک حسب ذائقہ

پیاز(باریک کٹی ہوئی) دو عدد

ہرا دھنیا(باریک چوپ کیا ہوا) ایک کھانے کا چمچ

تیل (تلنے کے لیے) حسب ضرورت

ایک پیالے میں بیسن ، ادرک، چاول ، چاٹ مصالحہ ،ہری مرچ، نمک ، پیاز اور ہرا دھنیا ڈال کر خوب اچھی طرح مکس کر لیں اور پانی ڈال کر گاڑھا پیسٹ بنا لیں ۔

اب کڑاہی میں تیل گرم کریں اور آنچ درمیانی رکھیں، جب تیل گرم ہو جائے تو ہاتھوں سے یا کسی چمچے کی مدد سے اس آمیزے کو ڈالتے جائیں اور ڈیپ فرائی کر لیں، یہاں تک کہ رنگ سنہرا ہو جائے۔

لیجیئے مزیدار چاولوں کے پکوڑے تیار ہیں، ٹشو پیپر پر رکھ کر چٹنی کے ساتھ گرم گرم پیش کریں۔